تعتبر فاتورة الكهرباء من أكثر الأشياء التي تتسبب فى صدمة المواطنين، خاصة فى فصل الصيف، وارتفاع درجات الحرارة فتأتي فاتورة الكهرباء عالية، تلتهم مرتب رب الأسرة، الأمر الذي يتسبب فى أزمات مالية كبيرة داخل البيوت، ولكن نكشف لكم عن حل لتقليل فاتورة الكهرباء حيث حذرت الشركة القابضة للكهرباء فى مصر من قطع تيكت الملابس، فى إشارة مهمة لوجود علاقة وثيقة بينها وبين الكهرباء.
الكهرباء تحذر من قطع تيكت الملابس
كتبت الشركة القابضة فى منشورها فى وقت سابق:” مش سر أن الملصقات الموجودة على الملابس بتمنعك في أوقات كتير من ارتدائها بشكل مريح ، علشان كده أغلبنا بيقطعها ببساطة من غير ما يكون واخد باله من الغرض الحقيقي منها، تيكيت الملابس ممكن يأثر بشكل مباشر على فاتورة الكهرباء ومش بطريقة واحدة بس، ده بأكتر من طريقة”.
وأوضحت الشركة: “كل قطعة ملابس ليها درجة حرارة معينة تتغسل عليها، ولو درجة حرارة الغسالة زادت عنها، ستضر بالملابس وكمان سخان الغسالة هيسحب كهربا أكتر، وباختلاف أنواع القماش المصنوع منها الملابس، بتختلف درجة الحرارة المطلوبة لكيّها، وكل ما بتزيد درجة حرارة المكواة هتسحب كهرباء أكتر والملابس هتتعرض للتلف أسرع”.
علاقة التجفيف بالكهرباء
أتمت الشركة القابضة حديثها: “ممكن توفر فلوس الكهرباء اللي هيستخدمها المجفف والمكواة وتحافظ عليها كمان لو كانت Dry Flat، لإنك مش هتكون محتاج غير إنك تفرد قطعة الملابس فقط علشان تكون جاهزة لإرتدائها”.