انتشر على مواقع التواصل الاجتماعي خلال الساعات الماضية منشور لفتاة تشارك قصة حدث معها خلال استقلالها مواصلات خاصة تابعة لأحدى شركات التوصيل المعروفة، حيث كشفت حبيبة محمد عن محاولة احد السائقين تخديرها وخطفها قبل أن تتصرف بشكل سريع وقفزت من السيارة على الطريق الصحراوي، ثم قامت بالصراخ مما دفع السائق إلى تركها والهروب مسرعًا.
فتاة جديدة تروي محاولة خطفها.
وتابعت حبيبة محمد أنها أثناء عودتها إلى منزلها استخدمت ابلكيشن للتوصيل، ولكن خلال استقلالها للسيارة حوال السائق تخديرها إلى أنها قفزت وبادرت بالصراخ فقام السائق بالهروب.
وبدأت الضحية في سرد تفاصيل قصتها عبر صفحتها الشخصية فيسبوك : “أنا مصدقتش إني ممكن أتحط في الموقف دا في يوم من الأيام بس إمبارح وأنا راجعة من الشغل طلبت سيارة ومن ساعة ما طلبت وهو كان غريب وقالي ربع ساعة وهجيلك وهو كان على gps قريب جدا، ومن ساعة ما ركبت وهو مش مظبوط وعمال يعمل حاجات غريبة وكان بيكلم ناس غريبة ومتابع مع واحد في التليفون وبيقوله أنا دخلت كذا قابلني في الحتة دي، ومتأكدة إنه كان شارب حاجة وكان مش مظبوط”.
كما اردفت حبيبة: “السائق قفل كل الشبابيك أول مطلعنا في طريق الصحراوي وفضل مطلع راسه من الشباك اللي جنبه الوحيد اللي سايبه مفتوح، وأنا متأكدة إنه رش حاجة في العربية عشان كان فيه ريحة غريبة جدا، وأنا كنت ابتديت أدوخ ووشي كله نمل ومكنتش شايفة كويس واتصرفت بسرعة وفتحت الباب، وهوا ماشي وقعدت أزعق وقولتله ينزلني وإني عاملة شير لوكيشن لوالدي، ونزلت جريت على الطريق وهو اتوتر ومشي”.
وأكملت الفتاة خلال منشورها، هو اسمه اللي على الأبليكيشن غير اسمه اللي علي get contact، وحذرت الفتاة متابعيها من الركوب مع هذا السائق حفاظاً على سلامتهم قائلة : خلوا بالكو محدش يركب معاه، وهوا طلع مبدأش الرحلة أصلا أنا نفسي أفضحه عشان حرام بنت تتحط في نفس الموقف المرعب دا.