يعاني الكثير من الأشخاص من انتهاء باقة الإنترنت قبل نهاية الشهر، مما يضطرهم لإعادة شحنها عدة مرات، وهذا قد يشكل عبئا ماليا على البعض، ولكن هناك بعض الحيل الذكية التي يمكن اتباعها لتقليل استهلاك الباقة وضمان استمرارها لأطول فترة ممكنة.
الحيل التي يمكن تطبيقها لجعل باقة النت تدوم لأطول مدة
- قلل جودة الفيديوهات:
الفيديوهات بجودة عالية من أكتر الحاجات اللي بتستهلك البيانات بسرعة عشان كده ينصح إنك تقلل جودة الفيديوهات لما بتتفرج عليها أونلاين بدل ما تستخدم الجودة العالية (HD)، ممكن تختار جودة متوسطة أو منخفضة، وده هيوفر بيانات كتير من غير ما يبوظ تجربة المشاهدة. - استخدم تطبيقات للتحكم في استهلاك البيانات:
فيه تطبيقات متخصصة زي “Opera Max” و”My Data Manager” اللي بتساعد في مراقبة وتحكم استهلاك البيانات لكل تطبيق على الموبايل التطبيقات دي بتساعد في تقليل استهلاك البيانات اللي بتصرفها التطبيقات اللي شغالة في الخلفية بدون علمك. - أمن شبكة الواي فاي:
تأمين شبكة الواي فاي بكلمة مرور قوية خطوة مهمة للحفاظ على الباقة، لأن الاتصال غير المصرح به ممكن يستهلك كميات كبيرة من البيانات من غير ما تعرف. كمان يفضل تغيير كلمة السر بشكل دوري لضمان عدم اختراق الشبكة. - افصل الراوتر عند عدم الاستخدام:
خبراء التقنية بينصحوا بفصل الراوتر لما تكون نايم أو في الساعات اللي مش هتستخدم فيها الإنترنت، لأن بعض الأجهزة بتستمر في استهلاك البيانات حتى لو مش بتستخدمها فصل الراوتر هيساعد في تقليل الاستهلاك والحفاظ على الباقة لأطول فترة ممكنة.