برنامج معاش تكافل وكرامة اللي بتقدمه وزارة التضامن الاجتماعي بيساعد الناس اللي بيعانوا من قلة الدخل أو ضعف الإمكانيات المالية لكن الوزارة مؤخرا خدت قرار مفاجئ بوقف صرف المعاش لفئة معينة من الناس والقرار ده كان مبني على أسباب واضحة ومحددة الهدف من الخطوة دي هو إعادة ترتيب الأولويات عشان الدعم يروح للي يستحقوه بجد والوزارة بتحاول من خلال القرار ده إنها توزع الموارد بشكل أفضل وتوصلها للفئات الأكثر احتياج فعلاً.
وقف صرف معاش تكافل وكرامة
بالنسبة للفئات اللي تقرر وقف صرف المعاش عنها في 2024 منهم اللي عندهم ملكية زراعية يعني لو عندك نص فدان أو أكتر تقدر تستغل الأرض دي وتشتغل في الزراعة وتحقق دخل ومن الشروط كمان إنك لو مأجر أرض زراعية مساحتها فدان أو أكتر يبقى كمان انت قادر تعمل مشاريع زراعية وتستفيد مادياً أما الناس اللي عندهم عقارات خاصة بس مش للسكن هما كمان ضمن الفئات اللي توقف عنها المعاش لأنهم بيعتبروا عندهم مصادر دخل إضافية.
وقف صرف معاش تكافل وكرامة
اللي عندهم محلات تجارية سواء مسجلة أو مش مسجلة كمان عليهم القرار لأنهم بيقدروا يشتغلوا ويحققوا ربح من شغلهم التجاري بالإضافة لكده الناس اللي بتمتلك ماشية مثلاً لو عندك 3 رؤوس ماشية أو أكتر وبتشتغل في تربيتها وبيعها ده بيعتبر مصدر دخل كافي ليك وكمان الموظفين اللي شغالين في القطاع الخاص أو العام ولهم دخل ثابت حتى لو مش مشتركين في التأمينات لو دخلك الشهري كعيلة مكونة من 4 أفراد 1600 جنيه أو أكتر فأنت كمان مش هتكون مستحق للمعاش.
بالنسبة للمشروعات الخاصة لو عندك مشروع خاص أو شريك في مشروع سواء مسجل أو مش مسجل القرار بيشملك لو القيمة الإجمالية للمشروع كبيرة وكمان لو بتاخد معاش من الحكومة أو القطاع الخاص أو من الجيش أو الشرطة والمعاش ده بيوصل لـ 500 جنيه أو أكتر فأنت مش مستحق كمان الناس اللي بتسافر برة عشان تشتغل سواء قبل ما يقدموا على المعاش أو بعد ما يستلموه هيبقوا مستبعدين.
ومن ضمن الأسباب اللي بتوقف المعاش كمان امتلاكك لأي وسيلة نقل زي عربية أو توك توك أو جرار لأن ده بيعتبر مصدر دخل وفيه كمان شرط خاص بالمصروفات الدراسية لو مصروفات كل طفل في السنة بتزيد عن 3000 جنيه ده معناه إنك قادر على تحمل المصاريف دي وميبقاش ليك حق في المعاش.