كتير مننا بعد ما يعصر الليمون بيرمي القشر أو باقي الثمرة، لكن من النهاردة الموضوع ده هيتغير تماما الليمون مش بس طعمه لذيذ ومفيد للصحة، لكن ليه استخدامات كتيرة تقدر تستفيد منها في البيت وفي حياتك اليومية، في المقال ده هنعرفك على أهم الطرق اللي ممكن تستخدمي بيها الليمون بدل ما ترميه، وفي مقال اليوم عبر موقعنا بوابة الزهراء الاخبارية سنتعرف على التفاصيل.
تنظيف وتطهير الأسطح
الليمون من أقوى المواد الطبيعية اللي ممكن تستخدمينها في تنظيف وتطهير الأسطح في المطبخ أو الحمام، عصير الليمون وقشره بيحتووا على خصائص مضادة للبكتيريا والجراثيم، ممكن تدعكي بيه الحوض أو البوتاجاز لإزالة الدهون والرواسب، كمان ريحته الجميلة هتخلي البيت كله ينتعش.
تلميع الأواني والمعادن
لو عندك أواني معدنية أو نحاس محتاجين تلميع، الليمون هو الحل السحري، افركي الأواني بقشر الليمون وملح ناعم هتلاقيها بتلمع زي الجديدة، الليمون بيقدر يشيل الصدأ واللون اللي ممكن يبان مع الوقت على الأواني.
إزالة الروائح الكريهة
لو عندك روائح كريهة في التلاجة أو أي مكان في البيت، ممكن تستخدمي قشر الليمون كمعطر طبيعي، ضعيه في طبق صغير وحطيه في التلاجة أو في أماكن الروائح، وهتشوفي النتيجة على طول، الليمون بينعش المكان ويمتص الروائح الغير مرغوب فيها.
تفتيح البشرة والعناية بالجلد
الليمون معروف بقدرته على تفتيح البشرة والتخلص من البقع الداكنة، لو بشرتك محتاجة تجديد، ممكن تستخدمي عصير الليمون مع شوية عسل أو سكر كمقشر طبيعي، كمان لو عندك أماكن داكنة في الجسم زي الكوعين أو الركبتين، ممكن تستخدمي قشر الليمون لتفتيحها بشكل تدريجي.