الكتير من البنات والستات دايمًا بيدوروا على أفضل الطرق للعناية بالبشرة، بس مع ارتفاع أسعار منتجات التجميل، بيبدأوا يلجأوا لحلول بديلة زي الوصفات الطبيعية اللي بتكون آمنة ومكوناتها بسيطة، واحدة من الوصفات السهلة دي هي استخدام كريم البانثينول اللي بيعتبر من أفضل الخيارات لتفتيح البشرة وتقليل التجاعيد، وده لأنه مكون طبيعي بعيد عن أي مواد كيميائية ممكن تضر البشرة على المدى الطويل، هنقولك على الوصفة بالتفصيل.
مكونات وصفة كريم البانثينول للتفتيح وشد التجاعيد
الوصفة دي بتعتمد على مكونات طبيعية بتساعد في تفتيح البشرة بشكل واضح وتقليل التجاعيد، خصوصًا حول منطقة العين، والمكونات هي:
- كريم بانثينول.
- ملعقة نشا.
- ملعقة عصير ليمون.
- ماء ورد.
- قطن طبيعي.
طريقة تحضير وصفة التفتيح وشد البشرة
- جيبي وعاء صغير ونظيف.
- ضيفي كل المكونات مع بعض في الوعاء وقلبيهم كويس لحد ما تحصلي على خليط ناعم ومتماسك.
- اغسلي وشك بنوع المنظف المناسب لبشرتك.
- افردي الخليط على وشك وسيبيه لمدة 20 دقيقة.
- بعد كده، اشطفي وشك بالمية الباردة.
- وأخيرًا، استخدمي المرطب اللي يناسب بشرتك بعد ما تشيلي الماسك.