تنظيف مروحة السقف يعتبر من أكثر الأعمال المنزلية المرهقة اللي كل ست بيت بتواجهها، لأن الأتربة بتتراكم بشكل صعب توصيله على شفراتها، وغالبا ما بينفعش معها المسح العادي، لكن مع الطريقة الذكية اللي هنقولك عليها النهارده، هتقدري تنظفي مروحة السقف في أقل من دقيقتين بس، من غير مجهود ولا استعمال أي أدوات معقدة.
الطريقة السحرية لتنظيف مروحة السقف بسهولة
الفكرة السحرية دي بسيطة وفعالة، والسر فيها هو غطاء الوسادة العادي اللي عندك في البيت، كل اللي عليكي تعمليه هو تجيب غطاء وسادة قديم وتضعيه على شفرات المروحة بحيث يغطيها بالكامل، بعد كده اسحبيه بهدوء للخارج، هتلاقي غطاء الوسادة بيلقط الأتربة كلها، ومنعها من التساقط على الأرض أو الأثاث، كرري العملية دي مع كل شفرة من شفرات المروحة، ووداعا للأتربة والفوضى اللي كانت بتغلبك في التنظيف.
مميزات الطريقة السحرية دي
- تمنع انتشار الأتربة، بدلا من أن تتساقط الأتربة على الأرض أو على الأثاث، غطاء الوسادة بيمسكها كلها.
- امنة وسهلة، الطريقة دي مش بتحتاج منك الوقوف على كرسي أو سلم عالي، تقدر تعمليها بسهولة من مكانك.
- سريعة وفعالة، التنظيف مش هياخد أكتر من دقيقتين، وده بيجعلها حلا مثاليا للي معندهمش وقت أو مش قادرين يبذلوا مجهود.
نصائح لنتائج أحسن
استخدمي غطاء وسادة ناعم وسهل الغسيل عشان تقدري تنظفيه بعد ما تخلصي، ولو عاوزة نتيجة أفضل، بللي الغطاء بمحلول تنظيف خفيف قبل ما تستخدميه عشان يشيل الأوساخ بشكل أسرع، وكمان من الأفضل إنك تكرري عملية التنظيف دي بشكل منتظم عشان المروحة تفضل نظيفة وطازة طول السنة.