كتير مننا بيشتري الموز وبيبقى مش عارف يحافظ عليه من السواد والتلف بسرعة لو عايزة الموز يفضل عندك فريش وأصفر لأطول وقت، جبتلك أحسن طرق التخزين اللي هتخليه يفضل زي الجديد.
أول خطوة لفّي أعناق الموز بورق أو بلاستيك
لو عندك كمية كبيرة من الموز، لفي أعناق كل حبة بقطعة من ورق البلاستيك أو ورق الألومنيوم الطريقة دي بتمنع خروج غاز الإثيلين اللي بيخلي الموز يستوي بسرعة، وبالتالي هيعيش معاكِ وقت أطول.
الطريقة التانية خزنيه في مكان بارد وجاف بعيد عن الفواكه التانية
حاولي تبعدي الموز عن أي فواكه تانية زي التفاح أو الطماطم، لأنها بتنتج غاز الإثيلين اللي بيخلي الموز يسوّد بسرعة خزنيه في مكان بارد وجاف مش في التلاجة لو هو لسه أصفر.
عايزة تخزنيه في الفريزر؟
لو الموز بدأ يسوّد شوية، قشريه وقطعيه وحطيه في أكياس بلاستيك، وخزنيه في الفريزر هتقدري تستخدميه في العصاير أو الحلويات وقت ما تحتاجي، بهذه الطرق السهلة، الموز هيبقى عند طازج ومش هيبقى فيه إسراف، ودايمًا هتلاقيه جاهز للأكل أو الاستخدام في أي وقت.
فوائد الموز
فوائد الموز الصحية كنز طبيعي مليء بالطاقة والعناصر الغذائية، يُعتبر الموز من أكثر الفواكه استهلاكاً حول العالم، بفضل طعمه اللذيذ وسهولة تناوله، إضافة إلى فوائده الصحية العديدة يحتوي الموز على مجموعة متنوعة من الفيتامينات والمعادن التي تعزز من صحة الجسم وتساهم في تحسين وظائفه.