تداول نشطاء على مواقع التواصل الاجتماعي خلال الساعات الماضية، أنباء عن إيقاف الهواتف المستوردة من الخارج مع انطلاق العام الجديد 2025، بداية من شهر يناير القادم، وذلك بهدف دعم الاستثمارات المحلية والصناعة المصرية.
إيقاف الهواتف المستوردة بداية من يناير 2025
وانتشرت العديد من المنشورات التي تتحدث عن تسريبات من خلال مصادر بالجهاز القومي لتنظيم الاتصالات تشير لاتخاذ قرار بقفل التليفونات المشتراة من الخارج بواسطة الأفراد، أو الأجهزة المهربة من خلال التجار، مشيرة إلى أنه من المتوقع أن يتم تطبيق القرار ابتداءً بهواتف الآيفون مع حلول عام 2025، حيث تسمح للهواتف بالعمل لمدة 90 يومًا فقط، ويشترط دفع رسوم الجمارك لعدم إيقاف شبكات الموبايلات.
وسادت حالة من الاستياء والجدل الشديد، حيث استنكر المالكين للهواتف المستوردة هذا القرار، في حين أيد البعض القرار، من أجل وضع حد لتهريب الإلكترونيات الذي يهدد الاستثمارات في السوق المصري.
حقيقة إيقاف الموبايلات المستوردة من الخارج
ونشر حساب تحت اسم Makarios Eshak على موقع التواصل الاجتماعي فيسبوك، إجراءت وقف الهواتف المستوردة من الخارج، حيث كتب “بخصوص موضوع قفل الموبايلات الجايه من برا.. كل موبايل ليه رقم خاص اسمه IMEI، وده زي رقم فريد للتمييز بين الأجهزة على مستوى العالم، حاجة زي الـ MAC Address بس للموبايلات”.
وأضاف في منشوره: “زمان كان فيه فرق كبير في سعر الموبايلات بين بره وجوه مصر، فكان الناس اللي مسافرة بتجيب موبايلات وهي جاية، والتجار نفسهم بدأوا يجيبوا أجهزة مهربة ويبيعوها بسعر أقل عشان يكسبوا.. وبعد التعويم، فرق السعر قل شوية لكن الجمارك والضرائب لسه مخليين فيه فرق، وده خلّى ناس تفضل تشتري من بره”.
وتابع: “طيب ليه الدولة مش عاجبها الكلام ده؟ ودا حقها.. لأنه بيخسرنا فلوس الجمارك والضرائب على الموبايلات اللي بتدخل تهريب، وكمان بيهدد استثمارات المصانع اللي بتفكر تنتج موبايلات جوه مصر وتصنعها.. الحل؟ جهاز تنظيم الاتصالات بيبقى عنده لستة بأرقام الـ IMEI للموبايلات اللي دخلت رسمي، فلو فيه جهاز رقمه مش متسجل وظهر على الشبكة، الجهاز ده غالبًا جاي تهريب أو جاي مع حد زيارة. هنسيب الجهاز شغال 90 يوم (أو فترة مؤقتة) بس بعدها لازم تدفع الجمارك بتاعته لو عايز يفضل شغال، ولو مدفعتش هيقف على الشبكات”.
في حين علق صاحب حساب أحمد جمال عبد العزيز بقوله “اللي عنده موبيل مشتريه من برة مصر، غالباً علي نهاية يناير مش حيشتغل غير لما تروح تدفع الفلوس ديه.. جهاز تنظيم الاتصالات بلغ شركات الموبيل آخر الأسبوع اللي فات أنهم يبتدوا ينفذوا الموضوع ده مع الآيفون كبداية.. أي جهاز مش من التوكيل المصري مسموح ليه ب ٩٠ يوم على الشبكة وبعد كده هيفصل”.