يوجد طرق جديده للغش في بيع الطيور مثل البانيه والوراك خصوصاً البيع بالتجزئة، حيث اكتشف تاجر يدعى “أشرف مصطفى” عن طريقة الغش في بيع الوراك والبانيه.

طريقة غش الطيور 

ظهر تاجر فراخ من خلال فيديو يوضح فيه طريقة غش الطيور وقال مثلا «الورك الأول ثمنه على الميزان 15 جنيها و 20 قرشا، هحطه دلوقت تحت الميه وكأني بغسله عادي هيكون سعره 20 جنيه و 60 قرش، يعني زاد 5 جنيه في الحركة دي».

وقال أشرف «هوريكم من تاني طريقة الغش في بيع الأوراك وكذلك البانيه وما شابهم»، و«الورك دا عامل قبل ما تلمسه المياه  18 جنيها و 80 قرش، وبعد الغسل بتمعن هيكون سعره 23 جنيه و60 قرشا».

وقامت بالرد في التعليقات سيدة وقالت «لو بتطلب الفراخ من البيت بتيجي كده فعلا جربت بتوع الفراخ كلهم نفس النظام جيت اشوى الفراخ لقيت الصينية بحر مياه لدرجة انى طلبت تنظف بدون فتح البطن لقيت المسرين مليانة مياه اخر حل انزل بنفسي الوزن ومتحركش الا بالفرخة ادفع ووزن واخدها وامشى معتش فى ثقة».

رد أشرف عليها وقال «كل بتوع الفراخ بيعملو كده في البانيه والوراك حتي الفراخ بعد ما بوزنها بيغيرها وتيجي تقوله ميزانها كدة مش صح يقولك اصلها كانت واكلة وازنة ريش كتييير وسرقة عيني عينك حسبي الله ونعم الوكيل بجد كل ماجيب البانيه الاقيه مصفي مياه في الطبقة من كتر النقع في المياه».