علق الإعلامي إبراهيم فايق، على تصريحات بعض المحللين الرياضيين، بعد تصريحاتهم الأخيرة بخصوص تشجيع النادي الأهلي بعد قرعة كأس العالم للأندية.
وقال إبراهيم فايق خلال تصريحات تليفزيونية: “من بعد قرعة كاس العالم للاندية بوجود الأهلي انا مصدوم من كم الهرتلة اللي بقالها ٤٨ ساعة وخليكوا فاكرين كويس الاسماء اللي هتاخد الجمهور لحتة وحشة عشان البوم طخ”.
واضاف: “شفتني وانا بقول مش هشجع الأهلي شفتني وانا بقول الأهلي مش بيمثل الا نفسه، اومال بيمثل مين؟ هو احنا هنسلخ الاندية بتاعتنا من هويتنا المصرية ونعلم ده للعيال الصغيرة عشان احنا بتوع التريند؟ واهم أي شخص يطلع على الشاشة يفكر انه لما يقول كده هيفرق مع حد، الأهلي مش مستنيك تشجعه ولا هيزيد بتشجيعك ولا هينقص بعدم تشجيعك”.
وتابع: “مفيش حاجة تستدعي هذا الكلام ولا يوجد مباراة بين الأهلي والزمالك ومناقشة أمور فنية، كله بيعلي على بعضه ولا يوجد إحترام ونحن من المفترض أن نكون مسؤولين عن الكلمة، وكل واحد بيقول وينسى وينكر”.
وأوضح: “انا فاكر في حد قال جملة شبه دي من سنتين أتوقف، مينفعش نسلخ الاندية المصرية من هويتها المصرية وانا كشخص اعلامي يا اقول خير يا اسكت واسيب الحاجات دي للجمهور”.
وأتم حديثه: “لا يوجد سبب لهذه المناقشات، ويوم ما يكون الزمالك بيلعب هيتقال نفس الكلام، وانا بطالب المهندس خالد عبدالعزيز ان فيه ناس لازم تتوقف وتقعد في البيوت عشان تحترم مهنة الإعلام”.