البصل من الخضروات الأساسية في أي مطبخ، لكن مشكلته إنه ممكن يعفن أو ينشف بسرعة لو ما اتخزنش بطريقة صحيحة علشان كده، تخزين البصل بطريقة مثالية بيحافظ عليه طازج طول السنة، وبيمنعك من خسارة جزء كبير منه بسبب التلف.
خطوات سحرية لتخزين البصل بدون خسائر
اختيار البصل المناسب للتخزين، قبل أي حاجة، لازم تختاري بصل ناشف تمامًا، لأن البصل الطري بيبقى عرضة للتعفن بسرعة تأكدي كمان إن القشرة الخارجية ناشفة وسليمة بدون جروح أو بقع.
التجفيف قبل التخزين، افردي البصل في مكان جاف ومهوّى لمدة أسبوعين أو ثلاثة علشان يتأكد إن كل الرطوبة اللي فيه اختفت تمامًا دي خطوة أساسية لتجنب العفن.
التخزين في أكياس شبكية أو صناديق خشبية
استخدمي أكياس شبكية أو صناديق خشبية مفتوحة علشان الهواء يتخلل البصل ما تستخدميش أكياس بلاستيك لأنها بتحبس الرطوبة وبتسبب العفن.
الابتعاد عن الأماكن الرطبة
خزني البصل في مكان بارد وجاف بعيد عن الرطوبة والحرارة، زي المخزن أو مكان التهوية الجيدة.
طريقة مبتكرة للتخزين الطويل
لو عايزة طريقة جديدة، ممكن تخزني البصل على هيئة شرائح مجففة قطّعي البصل لشرائح رفيعة، وعرّضيها للشمس أو جففيها باستخدام مجفف الطعام، واحفظيها في برطمانات محكمة الغلق دي طريقة مثالية لو مساحة التخزين محدودة.
نصائح ذهبية لضمان نجاح التخزين
افحصي البصل كل شهر علشان تتأكدي إنه سليم وما فيش أي بصلة بدأت تعفن.
ابعدي البصل عن البطاطس لأن البطاطس بتفرز غازات ممكن تسرّع تلف البصل.