ورق العنب وورق التوت من الأوراق النباتية اللي بتستخدم في الطهي لكن بالرغم من التشابه في الشكل الخارجي إلا إن في فروق واضحة بينهم سواء في الطعم أو الفوائد أو حتى الاستخدامات وده اللي لازم تاخدي بالك منه عشان متتلخبطيش لما تيجي تشتريهم من السوق.
الفرق بين ورق العنب وورق التوت قبل ما تشتري
ورق العنب بيتميز بحجمه الصغير وشكله الدائري أو شبه الدائري مع حواف مشرشرة وواضحة أما ورق التوت فبيكون أكبر في الحجم وشكله بيميل للاستطالة مع حواف أنعم نسبياً ودي نقطة بتساعد في التفرقة بينهم بسهولة كمان ورق العنب بيكون ملمسه أنعم وأرفع شوية مقارنة بورق التوت اللي بيتميز بسمك أكبر وملمس خشن نسبيا.
الطعم والاستخدامات في المطبخ
من ناحية الطعم ورق العنب بيتميز بنكهة حمضية خفيفة وده اللي بيخليه مثالي لوصفات المحشي اللي بتعتمد على النكهة الحامضة أما ورق التوت فطعمه أخف وأميل للطعم العشبي وبيستخدم أكتر في وصفات الأعشاب أو مشروبات الديتوكس الطبيعية بالإضافة إنه بيدخل أحياناً في الحشوات النباتية كبديل اقتصادي لورق العنب.
الفوائد الغذائية لكل نوع
ورق العنب غني بالفيتامينات والمعادن زي فيتامين سي والحديد اللي بيساعدوا على تقوية المناعة وتحسين الدورة الدموية غير إنه قليل السعرات الحرارية ومناسب للأنظمة الغذائية أما ورق التوت فبيحتوي على مضادات أكسدة عالية وبيساعد في تقليل الالتهابات وتنظيم السكر في الدم وده بيخليه اختيار مثالي لمرضى السكر أو اللي بيدوروا على مشروبات طبيعية صحية.