يسعدنا أن نقدم لكم نحن موقع نيوز مصر نص كلمة الرئيس السيسي في زيارته إلى كاتدرائية ميلاد المسيح حيث أن فخامته يحرص كل عام أن يكون حاضرا من أجل مشاركة الأقباط فرحتهم بـ الميلاد المجيد.
نص الرئيس السيسي وكلمته في كاتدرائية المسيح
تحدث الرئيس السيسي في كاتدرائية ميلاد المسيح وقال:
“كل عام وأنتم طيبين، وقداسة البابا بخير وسلام، واحنا كلنا إن شاء الله بخير وسلام، احنا كمان بنحبكم وانتو اخواتنا وحبايبنا.. ونأخذ بكل الأسباب لحماية بلادنا.. “إن شاء الله عام سعيد، وسنة إن شاء الله تبقى بفضل الله سبحانه وتعالى أفضل من السنوات الماضية، بتابع كل الأمور وبشوف كل ردود الأفعال، والقلق يمكن يكون مبرر، لازم تعرفوا، ومش بكلمكم انتو بس، بكلم الدنيا في مصر وبرا مصر من خلالكم، إن شاء الله السنة دي تبقى أفضل من السنوات اللي فاتت”.
تصريحات الرئيس السيسي
نواصل تقديم نص كلمة الرئيس السيسي أثناء زياراته لـ كاتدرائية ميلاد المسيح في ظل قداس الميلاد:
“بقول القلق مبرر ومشروع يمكن، طب ما السنين اللي فاتت كان فيها قلق، وإن شاء الله تعدي الأمور بسلام، احنا هنا في مصر في حاجات كتير اوي بنعملها محدش من الناس تاخد بالها كتير منها، أول حاجة فيها، إن احنا مش ناسيين إن في رب، وإن الرب ربنا سبحانه وتعالى”.
الرئيس السيسي يتحدث عن حال الدولة
من ضمن تصريحات الرئيس السيسي في حديثه بمناسبة عيد الميلاد، فإنه قد تحدث عن أحوال البلد، وإدارتها، وقال سيادته:
“يمكن حد ينسى مع الظروف يتهيأله إن الأمور مش ممسوكة كده، مش بينا احنا، البشر، لا الدنيا مش متسابة كده، احنا مؤمنين بالله كلنا صحيح لكن مش عاوزين ننسى، لازم كلنا نبقى متأكدين من النقط دي، لازم كلنا نعرف إن ربنا موجود ومحدش يقدر يعمل أي حاجة في الوجود اللي احنا فيه ده إلا بأمر الله سبحانه وتعالى”.
الرئيس السيسي يتحدث عن إدارة الدولة
تحدث الرئيس السيسي عن إدارة الدولة وعن سياسية القيادة التي تتم في الوقت الحالي وقال في ختام رسالته داخل كاتدرائية ميلاد المسيح:
“احنا كدولة، كنت دايما بتتعامل مع الأمور بشرف كبير، وبأمانة كبيرة، وبنزاهة كبيرة، النقطة دي بقولهالكم، لو كان المسؤول عنكم إنسان مش كويس خافوا على بلدكم، لو ايده متعاصة بدم الناس خافوا على بلدكم، لو ايده واخدة أموال الناس خافوا على بلدكم، الحمد لله رب العالمين لا دي موجودة ولا دي موجودة”.