الموز من أكتر الفواكه اللي كلنا بنحبها، لكن للأسف بيبقى تحدي كبير نحافظ عليه طازة وما يسودش بسرعة الخبر الحلو في طريقة بسيطة وذكية هتساعدك تخزن الموز لفترة طويلة جدًا، وهيفضل بلونه الأصفر الجميل من غير أي مشاكل. تعالوا نتعرف على السر.
غلف كل موزاية لوحدها
أول حاجة، لازم تعرف إن السبب الرئيسي لسواد الموز هو غاز الإيثيلين اللي بتفرزه الثمرة علشان تقلل تأثيره، كل اللي عليك هو تغليف قمة كل موزاية (الجزء اللي فوق عند العنق) باستخدام ورق بلاستيك شفاف (cling film) أو ورق الألومنيوم دي خطوة بسيطة لكنها فعالة جدًا في تقليل معدل النضج.
خزن الموز في مكان جاف وبارد
من أهم النصايح كمان إنك تبعد الموز عن الأماكن الرطبة أو الساخنة حاول تخزنه في مكان جاف ودرجة حرارته معتدلة، بعيد عن أشعة الشمس المباشرة. ولو حبيت تخزنه في التلاجة، الأفضل تنتظر لحد ما يوصل للنضج المطلوب، لأن التلاجة ممكن تبطّئ عملية السواد بس ما توقفهاش تمامًا.
افصل الموز عن باقي الفواكه
تجنب تخزين الموز جنب الفواكه التانية زي التفاح أو الكمثرى، لأنها بتفرز غاز الإيثيلين بكميات كبيرة، وده بيخلي الموز يسود بسرعة أكبر افصلهم تمامًا وهتلاحظ الفرق.
طريقة التجميد الحل المثالي لتخزين طويل الأمد
لو عندك كمية موز كبيرة وخايف إنها تفسد، التجميد هو الحل المثالي قشر الموز، قطعه شرائح، وحطه في أكياس تجميد محكمة الغلق كده الموز هيعيش معاك شهور طويلة وتقدر تستخدمه في العصاير أو الحلويات من غير أي مشاكل.