البصل واحد من الأساسيات اللي مش ممكن يستغنى عنها أي مطبخ، بيدي نكهة غنية ومميزة لكل الأكلات، لكن دايمًا بنواجه مشكلة إننا نشتري كمية كبيرة، وبعد فترة نلاقيه بدأ يفسد أو يتعفن الحقيقة، كنت بعاني من الموضوع ده لحد ما جارتي في الريف علمتني طريقة عبقرية لتخزين البصل، واللي فرقت معايا جدًا، وخلتني أقدر أحافظ عليه طازج لمدة طويلة من غير أي مشاكل.
أول خطوة ازاي تختاري البصل الصح للتخزين؟
قبل ما تفكري في تخزين البصل، لازم الأول تختاري النوعية الجيدة، وده لأن البصل الفاسد أو اللي فيه مشاكل بيبوظ باقي الكمية بسرعة. علشان كده، ركزي على الآتي:
البصل يكون ناشف تمامًا من بره، وقشرته متماسكة مش طرية.
يكون صلب ومتماسك لما تضغطي عليه بإيدك، مش طري أو فيه أماكن لينة.
يكون خالي من أي بقع سوداء أو عفن، لأن أي تلف بسيط ممكن ينتشر بسرعة.
الطريقة السحرية اللي علمتهالي جارتي لتخزين البصل بدون ما يبوظ
سر تخزين البصل لفترات طويلة بدون ما يفسد هو توفير التهوية الجيدة، وده بيتم عن طريق استخدام أكياس الخيش أو الشبك القماشي بدل الأكياس البلاستيكية اللي بتسبب تعفنه بسرعة.
خطوات التخزين الصحيحة
بعد ما تجيبي البصل، افرديه في مكان مفتوح يومين ليتأكد من جفافه تمامًا.
حطيه في أكياس من الخيش أو الشبك القماشي، وتجنبي الأكياس البلاستيكية تمامًا.