المخلل، رغم بساطته، يعتبر ملك السفرة عند كثير من الناس، ولكن واحدة من المشاكل اللي بتواجه أغلبنا هي إن المخلل بيطلع طري أحيانًا ومش بالقرمشة اللي بنحبها، بس جارتي اللهلوبة، اللي معروف عنها إنها ملكة التخليل، كشفتلي عن السر اللي بيخلي المخلل مقرمش بطريقة تخليك تعشق التخليل من جديد وبطريقة مختلفة تمامًا.
السر في النقطة اللي محدش بياخد باله منها
السر اللي دايمًا بنتجاهله هو كمية الملح وتوازن الماء مع الخل، وأهم حاجة إنك تستخدمي النسبة الصح، وهي كوب خل لكل 4 أكواب ماء مع 3 ملاعق كبيرة من الملح، والخل بيدخل في الخلايا وبيحافظ على القوام المقرمش، أما الملح فهو سر الحفظ والتخمير السليم.
خطوة سحرية بتفرق في القرمشة
الخطوة اللي كشفتها جارتي كانت بسيطة جدًا لكنها بتعمل العجب قبل ما تبدأي في تخليل الخضار زي الخيار، الجزر، أو اللفت، لازم تنقعيهم في ماء مثلج لمدة 3 ساعات، الماء المثلج بيشد الأنسجة وبيحافظ على القرمشة مهما طالت مدة التخليل.
كمان، نصحتني بإضافة ورق العنب أو أوراق الكرنب فوق الخضار في البرطمان، لأنها بتساعد في امتصاص أي رطوبة زائدة وبتحافظ على الخضار مقرمش.
لمسة جارتي الأخيرة
اللمسة اللي فعلًا بتغير الطعم هي إضافة فصوص من الثوم وحبات من الفلفل الأسود مع شريحة من الليمون، والطعم مش بس بيتحسن، لكن القرمشة بتفضل ثابتة، وبيكون للمخلل ريحة وطعم لا يقاومان.
في النهاية، بفضل نصايح جارتي اللهلوبة، بقيت أعمل مخلل مقرمش ولذيذ يخطف القلوب، السر كله في التفاصيل الصغيرة والاهتمام بكل خطوة، جربي الطريقة دي، وهتشوفي الفرق بنفسك.