البرص من الحشرات المزعجة اللي بتسبب قلق ورعب لكتير من الناس، خصوصا إنه بيتحرك بسرعة وبيستخبى في أماكن صعب الوصول ليها، لكن متقلقيش هقولك على طرق طبيعية وفعالة تخلصك منه نهائيا بدون أي مواد كيميائية خطرة.
روائح طبيعية تطرده فورا
البرص بيكره بعض الروائح القوية، وده سر تقدر تستغليه لطرده من البيت بسهولة:
- قطعي فصوص ثوم أو شرائح بصل وحطيها في الأماكن اللي بيتحرك فيها البرص، زي الشبابيك والأركان، الريحة النفاذة هتخليه يهرب فورا.
- البرص بيكره ريحة القرنفل جدا، ممكن تحطيه في أكياس صغيرة وتنشريه في البيت أو تستخدمي زيت القرنفل وتمسحي بيه الشبابيك والأبواب.
- رشي خليط الفلفل الأسود والشطة في الأركان والزوايا، وهتتفاجئي إنه مش هيقرب من المكان تاني.
سد الثغرات وإبعاد مصادر الطعام
البرص بيدخل البيت علشان يلاقي أكل أو مكان دافئ يستخبى فيه، علشان كده لازم تمنعي دخوله من الأساس:
- سد الفتحات والشقوق: استخدمي المعجون أو السيليكون لسد أي فتحات صغيرة في الشبابيك والأبواب والجدران.
- نظافة البيت باستمرار: تأكدي إن مفيش بقايا طعام أو حشرات صغيرة، لأنها مصدر غذاء البرص.
بالمكونات البسيطة دي، مش هتشوفي البرص في بيتك تاني، وهتعيشي براحة واطمئنان بدون الحاجة لاستخدام أي مبيدات خطرة، جربيها وهتشكريني من قلبك.