الكل يعرف أن الكفتة من الأكلات الشعبية اللذيذة التي تجمع العائلة حول المائدة، لكن هل فكرت يومًا في السر وراء الكفتة الطرية التي دائمًا بنشوفها في المحلات؟ لو جربتِ إضافة البيكينج بودر على الكفتة، هتكتشفي أنه هو السر الذي يجعل الكفتة خفيفة ولذيذة زي التي بتتعمل في أفضل الأماكن المتخصصة.
البيكينج بودر: السر اللي بيخلي الكفتة لا تُقاوم!
عند إضافة البيكينج بودر إلى مزيج اللحم، تلاحظين أن القوام يتغير، البيكينج بودر يعمل على تفتيت الأنسجة اللي في اللحم وده بيخلي الكفتة أخف وتظل محتفظة بالعصارة جواها، النتيجة؟ كفتة هشة وطريّة، وكل قضمة هتكون مليانة بنكهة رائعة، بيكينج بودر هو السر البسيط لكن الفعّال في كفتة مش زي أي كفتة تانية.
طريقة إضافة البيكينج بودر بطريقة صحيحة
- ما يحتاجش منك كثير، رشة بسيطة من البيكينج بودر في اللحم المفروم هتعمل فرق كبير.
- استخدمي نص كيلو من اللحم المفروم وضيفي عليه رشة صغيرة من البيكينج بودر مع باقي التوابل اللي بتحبيها.
- العجن جيدًا هو المفتاح هنا، لما تعجني المكونات مع بعضها كويس، هتلاحظي إن الخليط بقى ناعم وسهل في التشكيل، بعد كده، شكّلي الكفتة بالطريقة اللي تحبيها وابدئي في طهيها.
السر في الطهي: كفتة طرية من جوه ومشوية من بره
الطريقة دي مش بس بتخلي الكفتة خفيفة، كمان هتحافظ على العصارة بداخلها وتخليها مش ناشفة زي بعض الأنواع التانية، سواء حطيتها على الشواية أو في المقلاة، هتطلع ليك كفتة متماسكة من الخارج وطرية من الداخل، ده بالضبط اللي بنشوفه في المحلات.
تجربة غير تقليدية: كفتة زي المحلات وأنتِ في البيت
دلوقتي، مع السر ده، هتقدري تحضري كفتة زي المحلات بل وأكثر لذة، وكل ده ببساطة وبطريقة سهلة، جربيها بنفسك، وإن شاء الله هتدعيلي لما تعملي صواني الكفتة اللذيذة دي.