هل تعلم أن هناك أجهزة في بيتك بتستهلك كهرباء حتى لو مشغلهاش، ممكن تكون بتفصلها بجهاز التحكم أو بتوقف استخدامها، لكن الحقيقة إن في بعض الأجهزة بتفضل تسحب كهرباء وهي متصلة بالمقبس الكهربائي، وده ممكن يكون السبب الرئيسي لارتفاع فاتورة الكهرباء بشكل غير متوقع، في المقال ده، هنكشف لك الجهاز الصغير اللي لازم تفصله فورا من الفيشة علشان توفر فلوسك وتحافظ على استهلاكك الكهربائي.
إيه هو الجهاز اللي بيسحب كهرباء حتى وهو مش شغال
الجهاز اللي بنتكلم عنه هو “الشاحن الكهربائي”، سواء كان شاحن الموبايل، اللاب توب، أو أي جهاز إلكتروني اخر، بمجرد توصيل الشاحن في الفيشة، بيبدأ يسحب كهرباء حتى لو مش موصل بالجهاز اللي بيشحنه، الدراسات أثبتت إن الشواحن اللي بتفضل متصلة بالكهرباء بدون استخدام ممكن تستهلك نسبة كبيرة من الطاقة على مدار اليوم، وده بيساهم في رفع فاتورة الكهرباء بشكل ملحوظ، بالإضافة لكده، استمرار توصيل الشواحن بالكهرباء بيسبب ارتفاع حرارتها، وده ممكن يؤدي لمخاطر زي حدوث حرائق أو تلف في الأجهزة الكهربائية.
ليه الأجهزة دي بتستهلك كهرباء حتى لو مش شغالة
الأجهزة اللي بتفضل متصلة بالكهرباء بتستهلك طاقة بسبب ما يعرف بـ”الطاقة الوهمية” أو Standby Power، وهي الطاقة اللي بتستهلكها الأجهزة وهي في وضع الاستعداد، مش بس الشواحن، لكن فيه أجهزة تانية زي التلفزيون، الميكروويف، والريسيفر بتفضل تسحب كهرباء حتى وهي مطفية، وده لأن بعض المكونات الداخلية فيها بتكون في وضع استعداد للعمل السريع بمجرد تشغيلها، ده معناه إنك بتدفع فلوس على كهرباء بتضيع على الفاضي بدون ما تستفيد منها فعلا.
إزاي تحمي نفسك من الاستهلاك الزائد للكهرباء
لحماية نفسك من الفواتير المرتفعة، الحل بسيط جدا، افصل أي جهاز من الفيشة لما تخلص استخدامه! ممكن كمان تستخدم مشترك كهربائي بفصل تلقائي علشان يفصل الأجهزة تماما لما مش بتكون محتاجها، كمان لو عندك أجهزة كتير بتسحب طاقة وهي مش شغالة، يفضل تراجع استهلاكك وتفصل كل الأجهزة اللي مش ضرورية طول الوقت، الطريقة دي هتساعدك مش بس في توفير فلوسك، لكن كمان هتحمي أجهزتك من التلف وتقلل من مخاطر ارتفاع حرارة الأجهزة الكهربائية.