التلفزيون القديم اللي كان رمز للذكريات والتجمعات العائلية زمان ممكن النهاردة يبقى أغلى من أي حاجة كنت تتخيلها، بعض موديلات التلفزيونات القديمة، خصوصا اللي كانت بتتصنع في الستينات والسبعينات، بقت هدف لهواة جمع الأجهزة الكلاسيكية والمزادات العالمية، الناس مستعدة تدفع ملايين الجنيهات مقابل الأجهزة النادرة اللي لسه بحالتها الأصلية وبتشتغل.
إيه اللي يخلي التلفزيون القديم غالي؟
التلفزيونات القديمة مش مجرد أجهزة كهربائية انتهى عصرها لا دي بتحمل تاريخ وقيمة ثقافية كبيرة، الموديلات اللي كانت فيها شاشات بالأبيض والأسود أو أول أجهزة بالألوان بتعتبر تحف فنية وتقنية في الوقت نفسه، ماركات زي فيليبس وسوني وباناسونيك ليها قيمة خاصة خصوصا لو كان الجهاز معاها الريموت الأصلي أو لسه بحالته من غير تعديلات أو إصلاحات.
إزاي تعرف قيمة التلفزيون اللي عندك؟
لو لقيت تلفزيون قديم في بيت جدك أو حتى في المخزن ابدأ بفحص العلامة التجارية ورقم الموديل. دور على الإنترنت وشوف إذا كان في مزادات بتبيع موديلات مشابهة، ممكن تلاقي مواقع بتخصص أقسام كاملة للأجهزة الكلاسيكية وأسعارها بتوصل لمبالغ خيالية، لو ما كنتش عارف تبدأ منين ممكن تستشير خبير في الإلكترونيات القديمة أو تعرض الجهاز على مواقع المزادات أونلاين.
ما تستهنش بالحاجات القديمة اللي كانت منسية سنين في بيت العيلة يمكن تكون هي وش السعد اللي يغير حياتك