بتعاني من الوقفة الطويلة في المطبخ كل يوم؟ الحل بسيط! تخزين اللحم المفروم المعصّج (المطهو مسبقًا) بشكل صحيح هيخلّيكِ توفري وقتك ومجهودك، خاصة في الأيام اللي بتكوني مشغولة فيها أو في رمضان. عشان كده، هنقولك النهارده على الطريقة الصحيحة لتفريز اللحم المفروم من غير ما يفقد نكهته أو يجمد بطريقة تخليه صعب الاستخدام!
خطوات التفريز الصحيحة
طهي اللحم بطريقة مثالية
شوّحي اللحم المفروم في طاسة على نار متوسطة مع شوية زيت، وضيفي البصل والتوابل المفضلة ليكي.
سيبيه على النار لحد ما يستوي تمامًا، وبعدها لازم تسيبيه يبرد تمامًا قبل التفريز عشان يحتفظ بقوامه وطعمه.
التقسيم الذكي:
بدل ما تجمدي كمية كبيرة وتضطري تفكيها كلها مرة واحدة، قسّمي اللحم المفروم لوجبات على قد طبختك.
استخدمي أكياس التفريز أو علب صغيرة، واضغطي عليهم عشان تخرجي الهوا تمامًا قبل القفل.
التخزين بطريقة منظمة:
رتّبي الأكياس بشكل مسطح في الفريزر، عشان تاخد أقل مساحة وتكون سهلة في الاستخدام.
اكتبي تاريخ التفريز على كل كيس عشان تستخدمي الأقدم الأول.
إزاي تفكّي اللحم بسرعة؟
12الطريقة الأفضل: حطي الكمية اللي هتستخدميها في التلاجة قبلها بليلة.
لو مستعجلة: حطي الكيس في مياه باردة أو استخدمي الميكروويف على خاصية “إذابة التجميد”.
أفكار لاستخدام اللحم المفروم المجمد
مش هتحتاجي غير دقائق عشان تحضري أشهى الأكلات:
- استخدميه في المكرونة بالبشاميل أو اللازانيا.
- حضري به كفتة أو حشوات للسمبوسك والجلاش.
- أضيفيه للشوربة أو أطباق الأرز عشان وجبة سريعة ومغذية.
بنصيحة واحدة هتوفرّي مجهودك وتخلي الطبخ أسهل وأسرع! جربي الطريقة دي ومش هتبطلي تعمليها!