الفول المدمس أكلة شعبية مشهورة كل الناس بتحبها بس السر في الطعم الحكاية مش مجرد فول ومية الموضوع فيه تفاصيل صغيرة بتفرق جدا في الطعم والريحة واللون وده اللي خلاني أدور على أحسن وصفة وأحسن تحبيشة وفعلا لقيت الحل عند صاحب عربية فول مشهورة كل يوم عليها طابور طويل وسألته عن السر وقاللي على الطريقة اللي تخلي الفول طعمه تحفة زي بتاع المحلات الكبيرة تعالوا نعرف إيه هي الأسرار اللي تخلي طبق الفول ولا أروع
السر الأول.. نوع الفول وطريقة التسوية
أول حاجة لازم تختاري نوع فول كويس الحبة تكون متوسطة ولا كبيرة ولا صغيرة لأن ده بيفرق في التسوية بعد كده لازم تنقعيه من بالليل في مية مع شوية عدس أصفر وحبة رز صغيرين ده بيدي قوام كريمي وطعم مميز، أما التسوية فبتكون على نار هادية جدًا مع إضافة قشر بطاطس وحبة كمون وورق لورا
السر التاني.. التحبيشة السحرية
بعد ما الفول يستوي لازم تضيفي التحبيشة الصح، وهي عبارة عن طحينة لمعة زيت زيتون عصير ليمون كمون بابريكا وفص توم مهروس ده بيدي طعم غني ومميز وعلشان تاخدي أحلى طعم قلبي المكونات كويس وسيبيه عشر دقايق قبل التقديم.
السر التالت.. التقديم السحري
التقديم مهم جدًا علشان كده حاولي تحطي الفول في طبق غويط وزينيه بشوية بقدونس وفلفل أخضر متقطع صغير، وكمان ممكن تضيفي بيض مسلوق وجبنة قديمة على جنب عشان الوجبة تكون كاملة ومشبعة جربي الطريقة دي وهتدعيلي.