لو ما عندكش مقوار ومحتاجة تحضري محشي كوسة وباذنجان بسرعة فممكن، تستخدمي سكينة رفيعة مع ملعقة صغيرة الطريقة سهلة جدا كل اللي عليك إنك تمسكي الكوسة أو الباذنجان وتقطعي الجزء العلوي بسكينة حادة بعد كده استخدمي طرف السكين، لعمل فتحات صغيرة في الداخل بعد كده هاتي ملعقة صغيرة وابدئي في إخراج اللب بحركات دائرية لحد ما توصلي للشكل المطلوب، الطريقة دي فعالة جدا وسريعة ومش هتحتاجي مجهود كبير
الشفاطة البلاستيك وسيلة عبقرية لتقوير الكوسة في ثواني
الشفاطة البلاستيك العريضة ممكن تكون بديل مثالي للمقوار كل اللي عليك إنك تستخدمي شفاطة قوية وتمسكي الكوسة، أو الباذنجان بشكل رأسي بعد كده اضغطي بالشفاطة من الأعلى مع تحريكها بحذر هتلاقي اللب بيخرج بسهولة وفي وقت قليل، جدا الطريقة دي مناسبة لو عاوزة تخلصي كمية كبيرة بسرعة ومن غير تعب لكن لازم تتأكدي إن الشفاطة قوية بما يكفي علشان ما تنكسرش، أثناء الاستخدام
الملعقة المعدنية الحل السحري لتقوير الكوسة والباذنجان بدون أدوات خاصة
لو مش متاحة عندك أي أدوات تانية فممكن تستخدمي ملعقة معدنية عادية علشان تقوري الكوسة والباذنجان بسهولة، كل اللي عليك إنك تمسكي الخضار بشكل ثابت وتستخدمي حافة الملعقة المعدنية علشان تبدأي في تفريغ اللب بحركات خفيفة ودائرية، مع تجنب الضغط بقوة علشان ما تتقطعش القشرة الطريقة دي مناسبة لو بتعملي كمية صغيرة، ومش عاوزة تستخدمي أي أدوات غير متوفرة في البيت