الجاكيت الجلد ممكن يقشر بسبب التعرض المستمر للشمس أو الرطوبة أو بسبب استخدام منتجات تنظيف غير مناسبة كل ده بيؤدي إلى جفاف الجلد وتقشره مع مرور الوقت لكن بدل ما ترميه ممكن ترجعله شكله الجديد بسهولة.
أول خطوة للتعامل مع الجاكيت الجلد المقشر
قبل ما تبدأ في أي عملية لازم تنظف الجاكيت كويس وتخلصه من أي أوساخ أو غبار باستخدام فرشة ناعمة أو قطعة قماش مبللة بالماء دافي وتأكد إن الجلد جاف تمامًا قبل ما تبدأ في الخطوة الجاية.
استخدام زيت الزيتون لتجديد الجاكيت الجلد
زيت الزيتون من الحلول الطبيعية البسيطة لتجديد الجاكيت الجلد المقشر كل اللي عليك تعمليه هو تدليك الجاكيت برفق باستخدام زيت الزيتون على الأماكن المقشرة سيب الزيت ينقع في الجلد لمدة ساعة أو أكتر بعدين امسحيه بقماش جاف وناعم النتيجة هتكون ملمس ناعم ومرتب.
طريقة خلطة الليمون والجليسرين
ممكن تحضري خلطة بسيطة من الليمون والجليسرين لتحسين مظهر الجاكيت وده عن طريق خلط ملعقة صغيرة من الليمون مع ملعقة صغيرة من الجليسرين وامسحي المزيج على الجلد بشكل خفيف وسيبيه لحد ما يمتصه الجلد وده هيساعد في ترطيب الجلد وحمايته من التقشر.
استخدام طلاء الجلد لإخفاء التقشر
لو عاوزة تعيدي الجاكيت الجلد زي الجديد استخدمي طلاء خاص بالجلد لونه قريب من لون الجاكيت ده هيخلي الجاكيت يبدو كأنه جديد تمامًا ويغطي أي تقشر موجود عليه طلاء الجلد متوفر في الأسواق ب20 أو 30 جنيه بس هيفيدك كتير.
النصائح اللي لازم تتبعيها بعد تجديد الجاكيت
عشان تحافظي على الجاكيت الجلد بعد تجديده لازم تحرصي على تخزينه في مكان جاف ومظلم بعيد عن الحرارة العالية والضوء المباشر استخدمي أكياس القماش لحفظ الجاكيت بدل من البلاستيك وحافظي على ترطيب الجاكيت عن طريق استخدام مرطبات خاصة بالجلد من وقت للتاني.