معظم الناس بيرموا تفل الشاي في القمامة بعد ما يشربوا الشاي من غير ما يعرفوا، إن الحاجات البسيطة دي ممكن تكون ليها فوائد مدهشة في البيت تفل الشاي مليان بمضادات، الأكسدة والمعادن اللي بتساعد في العناية بالبشرة والشعر وكمان ليه استخدامات مذهلة في التنظيف والتخلص من الروائح، الكريهة غير إنه بيشتغل كسماد طبيعي للنباتات يعني بدل ما ترميه ممكن تستفيدي، بيه في أكتر من حاجة بطريقة سهلة ومجانية
استخدامات مذهلة لتفل الشاي في العناية بالبشرة والشعر
لو حابة تحصلي على بشرة نضرة ومشرقة استخدمي تفل الشاي كمقشر طبيعي عن طريق خلطه مع العسل وتدليك، الوجه بيه بحركات دائرية لمدة دقيقتين وبعدها اشطفيه بمياه دافئة وهتلاقي بشرتك بقت أنعم وأفتح كمان ممكن تستخدميه كمهدئ للعيون المتعبة، عن طريق وضع أكياس الشاي المستعملة في التلاجة لمدة ١٠ دقايق وبعدها تحطيها على عيونك وهتحسي براحة وانتعاش فوري، أما لو شعرك بيقع أو بهتان ممكن تستخدمي منقوع تفل الشاي لشطف شعرك بعد الاستحمام، وده هيقوي الشعر ويمنع تساقطه وكمان هيديله لمعان طبيعي
ازاي تستخدمي تفل الشاي في تنظيف البيت وتسميد النباتات
تفل الشاي مش بس مفيد لجمالك لكنه كمان حل سحري في التنظيف لو عندك أواني أو أكواب فيها بقع صعبة افركيها، بتفل الشاي وهتلاقيها بقت لامعة ونظيفة بسهولة كمان لو عندك روائح كريهة في التلاجة أو المطبخ، حطي شوية تفل شاي جاف في طبق صغير وسيبيه هيمتص الروائح بطريقة طبيعية وأخيرا لو بتحبي الزراعة حطي تفل الشاي في تربة، النباتات لأنه سماد طبيعي بيمدها بالعناصر الغذائية وبيساعدها على النمو بشكل صحي أسرع، ومن غير أي مواد كيميائية