كتير من الناس بتتخلص من تيكت الملابس أول ما يشتروا حاجة جديدة، من غير ما ياخدوا بالهم إن الورقة الصغيرة دي ممكن توفر عليهم فلوس كتير في فاتورة الكهرباء! مش بس عشان تحافظ على جودة اللبس، لكن كمان لأنها فيها إرشادات مهمة لترشيد استهلاك الطاقة وعلشان كده، وزارة الكهرباء أصدرت تحذير مهم لكل المواطنين بضرورة قراءة التيكت قبل ما يترمي، لأنه ممكن يساعد في توفير استهلاك الكهرباء في البيت بشكل كبير.
إزاي تيكت الملابس بيأثر على استهلاك الكهرباء؟
يمكن الموضوع يكون غريب شوية، لكن الحقيقة إن إرشادات الغسيل والتجفيف اللي مكتوبة على التيكت ليها علاقة مباشرة بكمية الكهرباء اللي بتستهلكها الأجهزة في البيت على سبيل المثال:
بعض الملابس محتاجة درجة حرارة معينة أثناء الغسيل، ولو استخدمت مياه ساخنة بدون داعي، السخان هيستهلك كهرباء أكتر وهتلاقي الفاتورة بتزيد!
طريقة التجفيف المكتوبة على التيكت بتحدد إذا كان اللبس يفضل ينشف طبيعي ولا لازم مجفف كهربائي، وده بيساعد في تقليل استخدام الأجهزة الكهربائية وتوفير الطاقة.
نصائح لتوفير الكهرباء من خلال العناية بالملابس
وزارة الكهرباء قدمت مجموعة نصائح مهمة جدًا لتقليل استهلاك الكهرباء من خلال اتباع إرشادات تيكت الملابس، ومنها:
استخدام الغسالة بدرجات حرارة منخفضة لما يكون ممكن، لأن ده بيقلل استهلاك السخان الكهربائي.
التجفيف الطبيعي للملابس بدل الاعتماد على المجففات الكهربائية اللي بتستهلك طاقة كبيرة.
ضبط المكواة على درجة الحرارة المناسبة لكل نوع قماش لتجنب استهلاك كهرباء أكتر من اللازم.
تشغيل الأجهزة بكفاءة، يعني مثلًا الغسالة والمجفف ميشتغلوش إلا لما يكونوا ممتلئين بالكامل، وده هيقلل عدد مرات التشغيل يوميًا ويوفر في استهلاك الطاقة.