الجلاش باللحمة المفرومة من الأكلات المصرية المحببة التي لا تخلو منها العزائم والمناسبات، ويتميز بقوامه المقرمش وطعمه اللذيذ لكن سر نجاحه يكمن في بعض الخطوات البسيطة التي تضمن لكِ جلاشًا مورقًا وخفيفًا تمامًا مثل الجاهز، وفي هذا المقال، سنعرفكِ على الطريقة الصحيحة لتحضيره بأفضل نتيجة.
المكونات اللي هتحتاجيها
- لفة جلاش طازجة
- نصف كيلو لحمة مفرومة معصجة
- بصلة مفرومة ناعم
- ملعقتان كبيرتان زبدة أو سمن ذائب
- نصف كوب زيت لدهن الطبقات
- بيضة واحدة
- كوب حليب دافئ
- ملح، فلفل أسود، بهارات حسب الرغبة
طريقة التحضير خطوة بخطوة
- أول حاجة.. جهزي اللحمة المفرومة
- سخني ملعقة من الزيت في طاسة على نار متوسطة، وضيفي البصل المفروم وقلبيه لحد ما يذبل.
- نزلّي اللحمة المفرومة وقلبيها كويس لحد ما لونها يتغير.
- ضيفي الملح والفلفل والبهارات وقلبيهم كويس، وبعد ما تستوي سيبيها تبرد تمامًا.
- بعد كده.. رصي الجلاش بالطريقة الصح
- ادهني صينية الفرن بالسمنة، وافردي نص كمية الجلاش، وادهني كل طبقة بخليط الزيت والسمنة عشان تحافظي على قرمشته.
- وزعي الحشوة بالتساوي، وبعدها غطيها بباقي الجلاش بنفس الطريقة مع دهن كل ورقة.
سر الطعم المميز.. خليط الحليب والبيض
اخفقي البيضة مع الحليب ورشة فلفل أسود، واسكبي الخليط على الجلاش عشان يطلع بقوام هش وطعم غني.
قطعي الجلاش لمربعات قبل ما تدخليه الفرن.
أخيرًا.. ادخليه الفرن وسيبيه يستوي
سخني الفرن على 180 درجة، ودخلي الصينية لمدة 25-30 دقيقة لحد ما الجلاش يبقى ذهبي ومقرمش.
نصائح مهمة عشان جلاشك يطلع زي المحترفين
- ادهني كل طبقة بخليط الزيت والسمنة عشان تحصلي على قرمشة خرافية.
- متحطيش الحشوة وهي سخنة عشان الجلاش ميبوش.
- ممكن تضيفي جبنة مبشورة على الحشوة لمذاق أغنى وألذ.
- جربي الطريقة دي، وهتلاقي نفسك كل مرة بتقدمي جلاش ولا أروع، بطعم وقوام ولا أجدع مطعم!