البقدونس والشبت من الأعشاب الضرورية في كل مطبخ، لكن المشكلة اللي بتواجهها معظم الناس هي إنهم بيذبلوا بسرعة ويفقدوا نكهتهم لو زهقتِ من إنك تشتريهم وتلاقيهم تالفين بعد يومين، فالحل بسيط جدًا! باستخدام طرق التجميد أو التجفيف، تقدر تخلي الأعشاب دي طازجة وتستخدمها في أي وقت من غير ما تفقد طعمها أو لونها.
التجميد لحفظ النكهة والطعم
لو عايزة تحتفظي بالبقدونس والشبت لفترة طويلة وتستخدميهم وكأنهم لسه طازجين، التجميد هو أفضل طريقة:
- اغسلي الأعشاب كويس جدًا واتركيها تجف على قطعة قماش نظيفة.
- بعد ما تنشف، قومي بفرمها أو تركها كما هي، ثم ضعيها في أكياس محكمة الغلق.
- ممكن كمان تحطيها في قوالب الثلج مع شوية ماء أو زيت وتجمّديها، وبكده يبقى سهل تطلعيها وتستخدميها في أي وقت.
التجفيف بدون فريزر
لو عندك مشكلة في مساحة الفريزر، تقدرِ تجففي البقدونس والشبت وتحفظيهم لفترات طويلة:
- اغسليهم كويس، وبعد كده جففيهم تمامًا.
- اربطيهم في حزم صغيرة وعلقيهم في مكان جيد التهوية بعيد عن الشمس.
- بعد ما يجفوا تمامًا، خزّنيهم في برطمان زجاجي محكم الغلق للحفاظ على نكهتهم.
وداعًا لتلف الأعشاب!
مع الطرق البسيطة دي، مش هتحتاجي تشتري البقدونس والشبت كل شوية، ولا هتضطري ترميهم بسبب التلف هتقدري تحتفظي بيهم لفترات أطول وتضيفي نكهة طازجة لأكلك في أي وقت.