الصراصير والحشرات من أكتر الحاجات اللي بتسبب إزعاج في البيت، وبتخلي أي حد يدور بسرعة على طريقة للتخلص منها قبل ما تنتشر وتزيد سواء كانت بتظهر في المطبخ، الحمام، أو أي ركن في البيت، الحل مش دايما لازم يكون مبيدات كيميائية، لأن فيه طرق طبيعية وفعالة تقدر تطردها نهائيا وتحافظ على بيتك نظيف وآمن.
ليه الصراصير والحشرات بتدخل البيت
قبل ما نتكلم عن طرق التخلص منها، لازم نعرف الأسباب اللي بتجذبها علشان نمنع رجوعها:
- بقايا الأكل والفتات – لو في أي أكل مكشوف أو فتات على الأرض، هيكون مغري للصراصير.
- الرطوبة والمياه الراكدة – الحشرات بتحب الأماكن الرطبة، زي تحت الحوض والحمام.
- الشقوق والفتحات – أي فتحة صغيرة في الشبابيك أو الأبواب ممكن تبقى مدخل للحشرات.
طرق طبيعية للتخلص من الصراصير والحشرات
خليط السكر مع البيكنج صودا
- ده واحد من أفضل الحلول الطبيعية، لأن السكر بيجذب الصراصير، والبيكنج صودا بتموتها.
- رش الخليط في الأماكن اللي بتظهر فيها وهتلاحظ الفرق بسرعة.
استخدام الليمون والخل
- الصراصير بتكره ريحة الليمون والخل جدا، ممكن تمسح بيهم الأرضيات والأسطح علشان تبعدها تماما عن البيت.
ورق الغار (اللورا)
- الحشرات والصراصير مش بتحب ريحة ورق الغار، فحط شوية أوراق في زوايا المطبخ والحمام علشان تمنعهم من الرجوع.
الماء والصابون
- بخاخة فيها مياه وصابون سائل تعتبر سلاح قوي ضد الصراصير، لأن الصابون بيسد مسامها وبيخليها تموت بسرعة.
استخدام الزيوت العطرية
- اللافندر، النعناع، وزيت شجرة الشاي من الروائح اللي الحشرات ما بتطيقهاش.
- رش سبراي منها في أماكن تواجد الصراصير وهتلاحظ الفرق.
الفلفل الأسود والثوم
- اخلط الفلفل الأسود مع الثوم المطحون، ورشه في الأركان، ده هيخلي الصراصير تهرب من البيت فورا.
إزاي تمنع الحشرات من الرجوع تاني
- حافظ على نظافة البيت – امسح الأسطح وكنس الأرضيات بانتظام.
- سد الفتحات والشقوق – استخدم السيليكون لسد أي فراغات ممكن تدخل منها الصراصير.
- تخلص من القمامة أول بأول – لأنها مصدر جذب قوي للحشرات.
- جفف أي مياه راكدة – سواء تحت الحوض أو في الحمام علشان تمنعها من التكاثر.