زيت الزيتون من أهم الزيوت الطبيعية اللي ليها فوائد صحية لا تعد ولا تحصى، سواء في الأكل أو العناية بالبشرة والشعر بس المشكلة إن السوق مليان زيوت مغشوشة، وناس كتير بتشتريه على إنه أصلي، لكنه في الحقيقة بيكون مخلوط بزيوت تانية أو مكرر بطريقة تفقده فوائده علشان كده، لازم تتعلم إزاي تفرق بين زيت الزيتون الأصلي والمغشوش بسهولة، وده اللي هنتكلم عنه في المقال ده بالتفصيل.
أهمية زيت الزيتون الأصلي
زيت الزيتون الأصلي بيحتوي على فيتامينات، مضادات أكسدة، وأحماض دهنية مفيدة لصحة القلب، تحسين الهضم، وتقوية جهاز المناعة.
- كمان هو من أفضل الزيوت اللي ممكن تستخدمها في الطهي والعناية بالجسم، لكن كل الفوائد دي بتضيع لو الزيت مغشوش.
إزاي تفرق بين زيت الزيتون الأصلي والمغشوش
- الأصلي: بيكون لونه ما بين الأخضر الذهبي إلى الأخضر الغامق، حسب نوع الزيتون وطريقة العصر.
- المغشوش: غالبا بيكون لونه فاتح جدا أو مائل للأصفر الشفاف، وده دليل على إنه مكرر أو مخلوط بزيوت تانية.
- الأصلي: طعمه فاكهي وله نكهة قوية شبيهة بالزيتون الطازج، وبتحس بشوية مرارة خفيفة في آخر الطعم.
- المغشوش: طعمه يكون باهت، دهني زيادة عن اللزوم، ومافيهوش نكهة الزيتون الطبيعية.
- الأصلي: بيتجمد أو يتماسك بشكل جزئي، وبيبقى قوامه كريمي.
- المغشوش: يفضل سائل أو يتجمد بشكل كامل وكأنه زيت نباتي عادي.
- الأصلي: هيطفو على سطح الماء من غير ما يختلط بيه.
- المغشوش: هتلاقيه بيمتزج مع الماء أو بينزل لتحت.
- الأصلي: هيولع ويستمر في الاشتعال لفترة.
- المغشوش: ممكن ما يولعش خالص أو ينطفئ بسرعة بسبب الشوائب والزيوت المضافة ليه.
إزاي تضمن إنك بتشتري زيت زيتون أصلي
- اشتري من مصدر موثوق أو معصرة معروفة.
- تأكد من وجود شهادة الجودة على العبوة.
- لو مكتوب على الزجاجة “زيت زيتون بكر ممتاز” فهو الأفضل.
- جرب الاختبارات البسيطة اللي اتكلمنا عنها قبل ما تستخدم الزيت.