في الوقت اللي بقينا نعتمد فيه على الهواتف الذكية في كل حاجة، من المحادثات الشخصية للشغل وحتى التعاملات المالية، زادت مخاطر الاختراق والتجسس بشكل كبير، لكن ازاي تعرف إن موبايلك مخترق أو إن حد بيتجسس عليك، أول إشارة واضحة هي إن البطارية بتخلص بسرعة غير طبيعية، لأن البرامج الخبيثة اللي بتراقب نشاطك بتستهلك الطاقة بشكل مستمر، كمان لو لاحظت سخونة غير مبررة في الجهاز حتى لو مش بتستخدمه، ده ممكن يكون مؤشر على وجود تطبيقات خفية بتشتغل في الخلفية وبتنقل بياناتك بدون إذنك.
سلوك غريب للهاتف وإشعارات غير متوقعة
لو تليفونك بيهنج باستمرار أو التطبيقات بتفتح وتقفل لوحدها، ده ممكن يكون دليل على وجود برمجيات تجسس، كمان، لو لقيت رسائل أو مكالمات في سجل الهاتف لم تقم بها، فده احتمال كبير إن حد بيتحكم في موبايلك عن بعد، أحيانًا، ممكن تلاحظ إشعارات غريبة أو روابط مشبوهة على شكل رسائل نصية أو من تطبيقات التواصل الاجتماعي، ودي غالبًا بتكون محاولات اختراق أو فيروسات تحاول الوصول لملفاتك وصورك.
إزاي تحمي نفسك من التجسس
لو شكيت إن موبايلك مخترق، أول خطوة هي مراجعة التطبيقات المثبتة، ولو لقيت أي تطبيق مش متأكد منه، امسحه فورًا، كمان، لازم تفحص أذونات التطبيقات وتتأكد إن مفيش تطبيق عنده صلاحيات غير منطقية زي الوصول للكاميرا أو الميكروفون بدون سبب، استخدم برامج الحماية من الفيروسات، وحاول تحدث نظام التشغيل باستمرار لأنه بيحتوي على تحديثات أمان تمنع الاختراق، وأخيرًا، لو حسيت إن الوضع خطير، عمل إعادة ضبط المصنع للموبايل هيكون الحل النهائي لمسح أي برامج تجسس والتأكد من حماية بياناتك، ودلوقتي الكرة في ملعبك، خليك حذر، وما تستهونش بأي علامة غريبة على موبايلك.