واتساب واحد من أكثر تطبيقات المراسلة شهرة في العالم، لكن مش معناه إنه محصن ضد الاختراق في طرق كتير ممكن للمتسللين إنهم يدخلوا حسابك، وبالتالي خصوصيتك تكون في خطر لو حابب تحمي حسابك، لازم تكون واعي بأهم العلامات اللي بتدل على أن حسابك ممكن يكون مخترق.
تسجيل خروج مفاجئ من حسابك
أول حاجة لازم تنتبه ليها لو لقيت نفسك مسجل خروج من واتساب من غير ما تكون انت عملت كده ده ممكن يكون دليل على أن في حد تاني دخل على حسابك من جهاز مختلف.
رسائل ومكالمات غريبة
لو لقيت رسائل مش أنت اللي بعتها أو مكالمات لم تقم بإجرائها، ده معناه إن في حد تاني ممكن يكون متحكم في حسابك وبيكلم الناس من غير ما تعرف.
نشاط غير عادي في واتساب ويب
لو حابب تتأكد من الأجهزة المرتبطة بحسابك، تقدر تفتح التطبيق وتروح على “الإعدادات” > “الأجهزة المرتبطة” لو لقيت جهاز مش معروف، ده معناه إن في حد تاني دخل على حسابك.
استهلاك بيانات غريب
لو لقيت استهلاك غير طبيعي في بيانات الإنترنت أو الخلوي، ده ممكن يكون بسبب إن في حد بيستخدم حسابك في إرسال ملفات أو إجراء مكالمات من غير علمك.
بطء في أداء التطبيق
في بعض الأحيان، لما يتم اختراق الحساب، ممكن تلاقي التطبيق بيشتغل ببطء أو يتجمد، وده بسبب برامج تجسس ممكن تكون شغالة في الخلفية.
حلول سريعة لو حسابك مخترق
- اخرج من جميع الأجهزة المرتبطة بحسابك عبر إعدادات واتساب.
- فعل خاصية التحقق بخطوتين لزيادة الأمان.
- قم بإعادة تثبيت التطبيق بعد إزالة أي برامج ضارة.
- تواصل مع دعم واتساب لو فقدت الوصول إلى حسابك.