يعتبر واتساب واحدًا من أشهر تطبيقات المراسلة في العالم، لكنه مش محصن ضد الاختراق، والمتسللين دايمًا بيلاقوا طرق جديدة للوصول لحسابات المستخدمين عشان كده، لازم تكون واعي بالأعراض اللي بتدل على إن حسابك ممكن يكون مخترق، وتحاول تتحرك بسرعة لو لاحظت أي حاجة غريبة.
1. تسجيل خروج مفاجئ من الحساب
لو فجأة لقيت نفسك خرجت من واتساب من غير ما تكون انت اللي عملت كده، ده ممكن يكون مؤشر خطير على إن في حد تاني دخل على حسابك من جهاز مختلف.
2. رسائل ومكالمات مشبوهة
لو لاحظت وجود رسائل مش انت اللي بعتها أو مكالمات انت متأكد إنك ما عملتهاش، ده معناه إن حسابك ممكن يكون تحت سيطرة شخص تاني، وبيستخدمه من غير ما تحس.
3. نشاط غريب في واتساب ويب
ادخل على “الإعدادات” > “الأجهزة المرتبطة”، ولو لقيت جهاز مش مألوف بالنسبالك، يبقى في احتمال كبير إن حد تاني بيستخدم حسابك من غير إذنك.
4. استهلاك بيانات غير طبيعي
لو لاحظت إن بيانات الإنترنت بتخلص بسرعة من غير سبب، ده ممكن يكون دليل على إن في حد بيستخدم حسابك لإرسال ملفات أو إجراء مكالمات وانت مش عارف.
5. بطء مفاجئ في التطبيق
لو التطبيق بقى بطيء أو بيهنج بشكل غير طبيعي، ده ممكن يكون بسبب برامج تجسس شغالة في الخلفية بعد اختراق حسابك.
إزاي تحمي نفسك لو حسابك مخترق؟
- اخرج من جميع الأجهزة المرتبطة بحسابك من إعدادات واتساب.
- فعل التحقق بخطوتين لزيادة الأمان.
- احذف التطبيق وأعد تثبيته عشان تتأكد إنه نظيف من أي برامج ضارة.
- تواصل مع دعم واتساب فورًا لو فقدت السيطرة على حسابك.