تحضير المحشي من أكثر الأكلات اللي بتحبها كل الأسر، لكنه بياخد وقت طويل في التحضير، خصوصًا مرحلة اللف اللي بتكون مرهقة ومملة للبعض، لكن تخيلي إنك ممكن تلفي المحشي في 5 دقايق بس وبنفس الشكل والطعم الرائع، والسر في الحيلة العبقرية اللي هنوفرها لك النهاردة.
حيلة اللف السريع بالمفرش السحري
بدل ما تلفي كل ورقة كرنب أو عنب لوحدها، جربي الطريقة دي، افردي المفرش السيليكون (أو أي قطعة قماش نظيفة) على سطح مستو، ورصي عليه أوراق الكرنب أو العنب جنب بعض بحيث يكون جزء منها متداخل، وبعد كده وزعي الحشوة بالتساوي في خط مستقيم على الأوراق، وابدأي بلف المفرش برفق زي ما بتلفي السوشي، هتلاقي المحشي اتلف في لحظات وبشكل متناسق، بعد كده قطعي اللفة لقطع متساوية، وهتلاقي نفسك خلصت الكمية كلها في دقائق.
استخدام الماكينة اليدوية للمحشي
لو عاوزة طريقة أسرع وأسهل، جربي ماكينة لف المحشي اللي بتباع في محلات الأدوات المنزلية، بتحط الورقة في الماكينة، تضيفي الحشوة، وتسحبي الذراع، فتخرج لك اللفافة بشكل مثالي في ثانية، الطريقة دي بتوفر وقت كبير، وبتضمن إن كل المحشي يطلع بنفس الشكل والحجم، كأنك محترفة.
نصائح لتوفير الوقت في تحضير المحشي
عشان تحضري المحشي في وقت قياسي، جهزي كل المكونات قبل ما تبدأي، زي فرم الخضرة، وتسبيك الصلصة، وسلق ورق الكرنب أو العنب، كمان جربي تخزين أوراق المحشي في الفريزر بحيث تكون جاهزة على طول، باستخدام الحيل دي، مش بس هتنجزي تحضير المحشي بسرعة، لكن هتحصلي كمان على طعم رائع ومظبوط بدون تعب ومجهود إضافي.