كتير من مستخدمي الإنترنت بيعانوا من مشكلة اختراق شبكة الواي فاي، وده بيؤدي لسرعة نفاذ الباقة وشراء باقات إضافية، وده بيزود تكاليف الإنترنت بشكل كبير في الحقيقة، فيه طريقة بسيطة وفعالة هتساعدك في الحفاظ على سرعة الإنترنت وتقليل استهلاك الباقة، وهي إخفاء شبكة الواي فاي.
إزاي تخفي شبكة الواي فاي؟
فيه خطوات بسيطة تقدر من خلالها إخفاء شبكة الواي فاي بشكل صحيح، واللي هتحافظ على خصوصيتك وتوفرلك باقة الإنترنت:
- افتح متصفح الإنترنت على جهازك المتصل بالشبكة.
- اكتب عنوان الـ IP الخاص بالراوتر في شريط العنوان (غالبًا بيكون 192.168.1.1 أو 192.168.0.1)
- سجل الدخول باستخدام اسم المستخدم وكلمة المرور (هتلاقيهم غالبًا على ملصق خلف الراوتر أو في دليل الاستخدام).
- روح لإعدادات الشبكة اللاسلكية (Wireless Settings أو WLAN).
- ابحث عن خيار “إخفاء SSID” أو “Disable SSID Broadcast” وفعّل الخيار ده.
- احفظ التعديلات واعمل إعادة تشغيل للراوتر.
إزاي تتصل بالشبكة وهي مخفية؟
لو الشبكة مخفية، ممكن تواجه صعوبة في الاتصال بيها، لكن الحل سهل:
- افتح إعدادات الشبكة على جهازك.
- اختر “إضافة شبكة جديدة يدويًا” (Add a network manually).
- اكتب اسم الشبكة (SSID) بالظبط زي ما هو في إعدادات الراوتر.
- اختر نوع التشفير (غالبًا WPA2)
- ادخل كلمة المرور واضغط “اتصال”.