كتير من الناس بيتركوا جهاز الراوتر شغال 24 ساعة بدون ما يفصلوه، سواء علشان سهولة الاستخدام أو علشان يفضل الإنترنت متاح طول الوقت. لكن اللي ممكن متكونش عارفه إن تشغيل الراوتر باستمرار، وخصوصًا أثناء الليل، ممكن يكون له تأثيرات سلبية على صحتك، وكمان على الجهاز نفسه وعمره الافتراضي، في المقال ده هتعرف ليه لازم تفصل الراوتر قبل ما تنام، وإيه الأضرار اللي ممكن تحصل لو فضل شغال طول الليل.
1- تأثير إشعاعات الواي فاي على الصحة
الراوتر بيصدر إشعاعات كهرومغناطيسية باستمرار، وكتير من الدراسات بتتكلم عن احتمالية تأثيرها السلبي على صحة الإنسان، خصوصًا لو كان الجهاز قريب منك أثناء النوم، التعرض المستمر للإشعاعات دي ممكن يسبب:
- اضطرابات في النوم: إشعاعات الواي فاي ممكن تأثر على جودة النوم وتسبب أرق وتعب مستمر.
- الصداع المستمر: بعض الناس بتحس بصداع غير مبرر نتيجة التعرض الطويل لإشعاعات الأجهزة اللاسلكية.
- مشاكل في التركيز: الدراسات بتشير إلى إن الموجات الصادرة عن الراوتر ممكن تأثر على التركيز والانتباه، خصوصًا لو كان قريب من مكان نومك.
2- استهلاك كهرباء بدون داعي
ترك الراوتر شغال طول الليل بيستهلك كهرباء بدون أي فائدة، وده ممكن يكون سبب في زيادة فاتورة الكهرباء بشكل غير ملحوظ مع الوقت. فصل الجهاز أثناء عدم الاستخدام هيوفر جزء من استهلاك الطاقة، وده شيء بسيط لكنه مؤثر على المدى البعيد.
3- تقليل العمر الافتراضي للراوتر
زي أي جهاز إلكتروني، تشغيل الراوتر لفترات طويلة بدون راحة بيؤدي إلى ارتفاع درجة حرارته، وده ممكن يقلل من كفاءته ويخليه يتعطل أسرع، فصل الراوتر خلال فترات الليل أو لما متكنش محتاجه هيساعد على إطالة عمره الافتراضي وتقليل فرص حدوث أعطال مفاجئة.
4- تقليل فرص الاختراق والتجسس
أمان الإنترنت موضوع مهم، وترك الراوتر شغال طول الليل ممكن يزيد من فرص تعرضك للاختراق، خاصة لو كانت إعدادات الأمان ضعيفة، فصل الجهاز خلال الأوقات اللي متستخدموش فيها بيقلل من فرص استهداف شبكتك من قبل الهاكرز والمتطفلين.
5- تحسين جودة الإنترنت
تشغيل الراوتر بدون توقف بيأثر على أدائه بمرور الوقت، وده ممكن يخلي الإنترنت أبطأ أو يحصل فيه تقطيع، فصل الراوتر لفترة قصيرة كل يوم بيساعد على تحسين الأداء وتجنب مشاكل الشبكة اللي بتحصل نتيجة الضغط المستمر عليه.