المراتب من الأساسيات اللي محدش يقدر يستغنى عنها، لكن عمرك لاحظت إن في فتحة صغيرة أو ثقب جانبي في معظم المراتب؟ كتير من الناس بيفكروا إنها مجرد عيب تصنيع أو حاجة ملهاش لازمة، لكن الحقيقة إن ليها دور مهم جدا في راحة الجسم وجودة النوم.
ليه بيكون في ثقب صغير في المراتب؟
الثقب ده مش مجرد تصميم عشوائي، لكنه معمول عشان يسمح للهواء بالدخول والخروج من المرتبة. لما حد بينام على المرتبة، بيضغط عليها وبيخرج جزء من الهواء اللي جواها، ولما بيقوم، المرتبة بترجع لطبيعتها وبتسحب هواء جديد، العملية دي بتحافظ على تهوية المرتبة وبتمنع تراكم الروائح الكريهة أو الرطوبة اللي ممكن تسبب العفن.
إزاي الفتحة دي بتحافظ على عمر المرتبة؟
الهواء اللي بيتحرك داخل وخارج المرتبة بيساعدها إنها تفضل في حالة جيدة لفترة أطول، لأن تراكم الرطوبة جوه المرتبة بيأثر على جودتها وبيخليها تتلف بسرعة، الفتحة الصغيرة دي بتساعد على التخلص من أي هواء قديم راكد وبتجدد التهوية الداخلية، وده بيساعد في تقليل تراكم البكتيريا والفطريات.
هل الفتحة دي بتأثر على جودة النوم؟
بالعكس، التهوية الجيدة للمرتبة بتقلل من ارتفاع درجة الحرارة أثناء النوم، وده بيخلي الشخص يحس براحة أكبر، خصوصا في الصيف، المرتبة بتكون أقل عرضة لتراكم العرق أو الروائح، وده بيخلي النوم أكثر راحة وانتعاش.
نصيحة للحفاظ على المرتبة بحالة جيدة
عشان تحافظ على المرتبة وتستفيد من الفتحة دي بأفضل شكل، حاول تقلب المرتبة كل فترة، واستخدم غطاء مرتبة جيد يمتص العرق ويحميها من الأتربة، وكمان لازم تسيبها تتعرض للهواء الطبيعي من وقت للتاني عشان تحافظ على نظافتها وجودتها لأطول فترة ممكنة.