تفريز البطاطس من الأمور اللي بتسهل الطبخ وتوفر وقت كبير، لكن المشكلة اللي بتواجه كتير من الناس هي إن البطاطس بتسود أو طعمها بيتغير بعد التفريز لكن مع الحيلة البسيطة دي، هتحافظي على لون وطعم البطاطس كأنها لسه طازجة، والمفاجأة إن السر هو قشرة البصل!
ليه قشرة البصل مهمة في تفريز البطاطس؟
قشرة البصل تحتوي على مضادات أكسدة طبيعية تساعد في منع تغير لون البطاطس بعد التفريز لما تستخدميها مع البطاطس، هتحميها من السواد وتمنع تعرضها للأكسدة، وده بيخليها تحافظ على لونها وطعمها وكأنها طازجة وكمان القشرة بتضيف نكهة خفيفة ومميزة للبطاطس أثناء الطهي.
طريقة تفريز البطاطس بقشرة البصل
المكونات:
- بطاطس مقطعة حسب الرغبة (مكعبات، شرائح أو أصابع).
- قشور بصل نظيفة وجافة.
- ماء مغلي.
- ماء مثلج.
- أكياس تفريز.
الطريقة:
- قشري البطاطس وقطعيها حسب الشكل اللي تفضليه.
- اغسلي البطاطس جيدًا للتخلص من النشا الزائد.
- في وعاء على النار، اغلي كمية من الماء وأضيفي إليها قشور البصل.
- ضعي البطاطس في الماء المغلي لمدة 3-5 دقائق، وده بيساعد على تثبيت اللون والنكهة.
- بعدها، انقلي البطاطس بسرعة إلى وعاء ماء مثلج لإيقاف عملية الطهي.
- صفي البطاطس جيدًا واتركيها تجف.
- ضعي البطاطس في أكياس تفريز، وضيفي قشرة بصل جافة في كل كيس قبل غلقه.
- أغلقي الأكياس بإحكام وضعيها في الفريزر.
نصائح لضمان أفضل نتيجة:
- تأكدي من أن البطاطس جافة تمامًا قبل تفريزها لتجنب تكون الثلج.
- استخدمي أكياس تفريز عالية الجودة لمنع دخول الهواء.
- عند استخدام البطاطس، لا تحتاجين لفك التجميد، اطبخيها مباشرة لتحافظ على قوامها وطعمها.
النتيجة؟
بطاطس لونها ذهبي وطعمها لذيذ، مش هتسود ولا تبوظ حتى بعد شهور من التفريز، وطعمها هيكون زي المطاعم بالضبط!
باختصار: الطريقة دي مش بس هتحافظ على البطاطس لأطول فترة ممكنة، لكن كمان هتوفر عليكِ وقت وجهد جربيها وهتدعيلي، وهتتمني لو كنتي عرفتيها من زمان!