كتير من الناس أول ما بيشوفوا تعبان في البيت، بيحاولوا يقتلوه على طول خوفا من سُمه أو أذاه، لكن هل كنت تعرف إن قتل التعبان ممكن يسبب مشاكل أخطر من وجوده نفسه؟ الحقيقة إن في تفسيرات دينية وعلمية بتحذر من الخطوة دي، وده اللي هنتكلم عنه في المقال ده.
ليه ماينفعش تقتل التعبان اللي يدخل بيتك؟
1. التحذير الديني من قتل الثعابين في البيت
في بعض الأحاديث الإسلامية، تم التحذير من قتل الثعبان اللي يظهر في البيت مباشرة، لأن بعض الثعابين ممكن تكون من الجن المتشكل في صورة تعابين، فيقال إن المفروض تحذر التعبان الأول ثلاث مرات قبل قتله، ولو ما مشيش، يبقى تقدر تتصرف معاه.
2. ممكن يكون فيه تعابين تانية
لما تقتل تعبان في بيتك، ممكن يكون ليه مجموعة تانية من نفس النوع في المنطقة، بعض أنواع الثعابين بتعيش في مجموعات ولو قتلت واحد، ممكن باقي التعابين يجوا يدافعوا عنه أو ينتقموا، وده ممكن يعرضك لخطر أكبر.
3. بعض الثعابين بتفرز روائح تجذب غيرها
فيه أنواع من الثعابين لما بتحس بالخطر أو بتموت، بتفرز مادة كيميائية بتكون إشارة لباقي الثعابين في المنطقة، وده ممكن يخلي تعابين تانية تدخل البيت بدلا من التعبان اللي قتلته.
4. قتل التعبان ممكن يخليك عرضة للدغات أكتر
الثعابين بتهاجم لما تحس بالخطر، ولو حاولت تقتل واحد، ممكن يهاجمك فجأة قبل ما تقدر عليه، وساعتها هتكون في خطر لدغة سامة.
طيب تعمل إيه لو لقيت تعبان في البيت؟
- لو كان صغير وغير سام، حاول تبعده باستخدام عصا طويلة أو مكنسة وتطلعه بره البيت.
- لو كان كبير أو سام، الأفضل إنك تتصل بمتخصص في التعامل مع الزواحف عشان يمسكه بطريقة آمنة.
- اقفل الفتحات والشقوق في الجدران والأبواب عشان تمنع دخول التعابين للبيت من الأساس.
- رش مواد طاردة للتعابين زي الكبريت أو النفتالين في الأماكن اللي ممكن يدخلوا منها.