كتير من الناس بعد ما يحضروا فنجان القهوة الصبح بيرموا التفل على طول، لكن اللي أغلبهم مش عارفينه إن تفل القهوة كنز حقيقي يقدر يستخدمه في حاجات كتير بدل ما يترمي، من العناية بالبشرة لحد تنظيف البيت وتسميد النباتات، الاستخدامات مش هتخلص، في المقال ده، هتعرف إزاي تستفيد من تفل القهوة بأفضل طريقة.
1. مقشر طبيعي للبشرة
تفل القهوة غني بمضادات الأكسدة وحبيباته الصغيرة بتساعد في إزالة الجلد الميت وتنظيف البشرة بعمق، اخلطيه مع شوية زيت جوز الهند أو زيت الزيتون، ودلكي بشرتك بيه بحركات دائرية، وبعدها اغسليه بمياه دافية، النتيجة هتكون بشرة ناعمة ونضرة.
2. التخلص من الروائح الكريهة
لو عندك ريحة مش لطيفة في التلاجة أو في أي مكان في البيت، ممكن تحط شوية من تفل القهوة في طبق صغير وتحطه في المكان اللي فيه الرائحة، هتلاقي إن الريحة اتغيرت تماما في وقت قصير.
3. تسميد النباتات
تفل القهوة غني بالمعادن والعناصر الغذائية اللي بتفيد التربة، زي النيتروجين والماغنيسيوم، ورش شوية منه على التربة، وهتلاحظ إن الزرع بقى صحي أكتر ونموه بقى أسرع.
4. تنظيف الأواني والأطباق
لو عندك أواني فيها دهون صعبة، استخدم تفل القهوة كمنظف طبيعي، حطي شوية منه على إسفنجة مع شوية صابون، وافركي بيه الأواني، وهتلاقي الدهون بتتشال بسهولة.
5. طرد الحشرات
النمل والحشرات مش بتحب ريحة القهوة، فممكن ترش شوية تفل في الأماكن اللي بيتجمعوا فيها، وهتلاقي إنهم اختفوا من غير ما تحتاج لمبيدات كيميائية.
6. تقوية الشعر وتحفيز نموه
لو عايز شعرك يكون أقوى وصحي أكتر، جربي تفل القهوة كمقشر لفروة الرأس. دلكي فروة رأسك بيه قبل الشامبو، وهتلاحظي إن شعرك بقى أنعم وأكتر لمعانا.
بعد ما عرفت الاستخدامات دي، مستحيل ترمي تفل القهوة تاني! جربها بنفسك وشوف الفرق في بيتك وبشرتك وشعرك.