الموبايل بقى جزء أساسي من حياتنا، بنستخدمه طول اليوم في الشغل والتواصل وحتى الترفيه، لكن هل عمرك فكرت ليه بعض الخبراء بينصحوا بوضع الهاتف على شاشته (مقلوبا) بدل ما يكون على ظهره؟ الحقيقة إن في أسباب علمية وتقنية خطيرة بتخلي الطريقة دي هي الأفضل لحماية جهازك وعينك وكمان خصوصيتك، تعالوا نعرف إيه السر ورا العادة اللي ناس كتير مش مدركة أهميتها.
1. تقليل الإشعاع وحماية صحتك
كل الموبايلات بتصدر إشعاع كهرومغناطيسي، والكمية دي بتزيد لما يكون الموبايل في وضع تشغيل البيانات أو الاتصال، لما تحط الموبايل على شاشته، الإشعاعات دي بتتوجه بعيدا عنك، وبتقلل التأثير المباشر على المخ والجسم، خاصة لو بتحطه جنبك وانت نايم.
2. الحفاظ على بطارية الهاتف
من الحاجات اللي كتير ميعرفوهاش إن حرارة الهاتف بتأثر على البطارية، ولو الموبايل دايما على ظهره، ده معناه إن الحرارة بتتراكم في الجزء الداخلي، وده ممكن يقلل من عمر البطارية. أما لو الموبايل مقلوب، فده بيسمح للحرارة بالخروج بسهولة وبيحافظ على أداء الجهاز لفترة أطول.
3. حماية الكاميرا الخلفية
دلوقتي كل الموبايلات الحديثة فيها كاميرات خلفية متطورة جدا، ودي أكتر جزء ممكن يتعرض للخدش أو التلف لو الموبايل متساب على ظهره، وضع الهاتف على شاشته بيحمي العدسات وبيحافظ على جودتها لفترة أطول، وده بيضمن إن الصور اللي بتاخدها تفضل واضحة بدون بقع أو خدوش.
4. الحفاظ على الخصوصية ومنع التجسس
واحد من أخطر الأسباب اللي بيخلي وضع الهاتف مقلوبا مهم هو حماية الخصوصية، في بعض التطبيقات والبرامج الخبيثة اللي ممكن تشغل الكاميرا الأمامية من غير ما تاخد بالك، ولو الموبايل متساب على وشه، ده بيقلل فرص تعرضك للتجسس أو تسجيلك من غير إذنك.