وجود الصراصير والحشرات في البيت من أكتر المشاكل اللي بتسبب إزعاج وقلق لكل الناس، لأنها مش بس مقززة، لكنها كمان ممكن تنقل أمراض وتلوث الأكل، عشان كده هنقدملك طرق طبيعية وآمنة 100% للقضاء عليها نهائيًا، ومن غير ما تلجأ للمبيدات الكيميائية الضارة.
1. استخدام خليط السكر والبيكنج صودا
الصراصير بتنجذب للسكر، لكن لما تخلطه بالبيكنج صودا، النتيجة بتكون قاتلة ليها، اعمل خليط من السكر والبيكنج صودا بكميات متساوية، ورشه في الأماكن اللي بتظهر فيها الصراصير، زي تحت الحوض والزوايا الضيقة، وهتشوف الفرق بسرعة.
2. زيت النعناع والخل الأبيض
الحشرات والصراصير بتكره ريحة النعناع جدًا، وكمان الخل الأبيض بيطهر الأماكن وبيمنعها من الرجوع تاني، امزج نص كوب خل مع 10 نقط من زيت النعناع ورشه في أركان البيت، وهتلاحظ اختفائها تمامًا.
3. قشر الخيار.. طارد طبيعي للحشرات
الغريب إن الصراصير مش بتستحمل ريحة قشر الخيار! جرب تحط قطع من قشر الخيار في الأماكن اللي بتظهر فيها الصراصير، وهتتفاجئ إنها بتختفي لوحدها من غير أي مواد كيميائية.
4. ورق الغار.. الحل السحري
طحن ورق الغار ورشه في أركان المطبخ والأماكن اللي فيها صراصير، هيخليها تهرب فورًا، لأن الريحة بتاعته بتزعجها جدًا وبتمنعها من الاقتراب.
5. سد الفتحات والشقوق
الصراصير بتدخل البيت من فتحات صغيرة جدًا، عشان كده لازم تراجع الشبابيك، الأبواب، والفتحات حوالين المواسير، وتسُدها بمعجون أو سيليكون عشان تمنع دخولها نهائيًا.
بشوية حاجات طبيعية، تقدر تخلص بيتك من الحشرات والصراصير من غير أي ضرر على صحتك أو صحة أسرتك، جرب الطرق دي وهتلاحظ إن بيتك بقى أنظف وخالي من الحشرات تمامًا!