البطاطس المقلية من الأكلات اللي الكل بيحبها، لكن المشكلة إنها بتشرب زيت كتير، وده بيخليها مش صحية وبتزود الوزن، لكن المفاجأة إن في طريقة سهلة وعبقرية تقدر تعملي بيها بطاطس مقرمشة وذهبية من غير ما تشرب نقطة زيت!.. الطريقة دي علمني إياها شيف أردني محترف، وأخيرًا قررت أشاركها معاكم!
إزاي البطاطس تتحمر من غير زيت؟
السر في إنك تستخدمي نشا الذرة والفرن أو المقلاة الهوائية علشان تحصلي على نفس قرمشة البطاطس المقلية لكن بدون أي دهون ضارة.
المكونات
- 2 حبة بطاطس متوسطة.
- 2 ملعقة كبيرة نشا ذرة.
- رشة ملح.
- بهارات حسب الرغبة (بابريكا، فلفل أسود، بودرة ثوم).
- رذاذ زيت خفيف (اختياري).
طريقة التحضير
تقطيع البطاطس
قشري البطاطس وقطعيها على شكل أصابع متساوية.
النقع في الماء البارد
- انقعي البطاطس في ماء بارد لمدة 30 دقيقة، وده بيخليها تطلع نشا زائد، فتبقى مقرمشة أكتر بعد الطهي.
- بعد النقع، صفي البطاطس وجففيها كويس جدًا.
إضافة النشا والتوابل
حطي البطاطس في وعاء جاف، ورشي عليها نشا الذرة والتوابل، وقلبيها كويس لحد ما تتغطى تمامًا.
الطهي في الفرن أو المقلاة الهوائية
- لو هتستخدمي الفرن: سخنيه على 200 درجة مئوية، وحطي البطاطس على صينية مفروشة بورق زبدة، ودخليها الفرن لمدة 25-30 دقيقة مع التقليب كل 10 دقايق.
- لو عندك المقلاة الهوائية: سخنيها على 180 درجة مئوية، واطبخي البطاطس لمدة 15 دقيقة مع التقليب في النص.
هتشوفي النتيجة بنفسك!
البطاطس هتطلع مقرمشة جدًا من بره وطرية من جوه، وبدون نقطة زيت!.. جربيها مرة، وهتلاقي نفسك بطلت القلي بالزيت نهائيًا، وبدأت تعتمدي الطريقة الصحية دي لكل أفراد عيلتك!