كل البنات بتحلم ببشرة ناعمة وفاتحة من غير ما تستخدم كريمات غالية أو منتجات مليانة مواد كيميائية، علشان كده، جبتلك وصفة طبيعية سهلة بمكونات موجودة في كل بيت، وهتديكي تفتيح وترطيب خرافي من أول استخدام.
المكونات السحرية للوصفة
الوصفة دي بتجمع بين مكونات طبيعية معروفة بفوائدها الكبيرة للبشرة:
- معلقة زبادي لترطيب وتفتيح البشرة.
- نصف معلقة عسل لتغذية الجلد وتنعيمه.
- معلقة دقيق أرز لتقشير البشرة وتوحيد لونها.
- قطرات من عصير الليمون لو بشرتك دهنية، لأنه بيقلل الزيوت ويفتح البقع.
طريقة التحضير والاستخدام
اخلطي كل المكونات مع بعض لحد ما يبقى عندك عجينة ناعمة، افرديها على وشك لمدة 15 دقيقة، وبعدها اشطفيها بمياه فاترة، هتحسي بفرق واضح من أول مرة، ومع الاستخدام المنتظم هتلاقي بشرتك بقت أنعم وأفتح بكتير.
الوصفة دي مش بس للتفتيح، لكنها كمان بتساعد في التخلص من الجلد الميت وتجديد خلايا البشرة، وده هيخلي وشك نضر ومشرق على طول، لو بشرتك حساسة، استبدلي الليمون بمية ورد علشان تضمني ترطيب بدون تهيج. استخدميها مرتين في الأسبوع وهتشوفي الفرق بسرعة.
ليه الوصفة دي مميزة؟
- مكوناتها طبيعية وآمنة على البشرة.
- بتديكي نتايج سريعة من غير أي ضرر.
- مش هتحتاجي تصرفي فلوس على منتجات غالية.
جربيها بنفسك، وهتشوفي بشرتك بقت عاملة إزاي.. وهتحسي إنك كأنك لسة مولودة!