البطاطس المقلية من الأكلات اللي كل الناس بتحبها، لكن مشكلة الزيت بتخلي ناس كتير تبعد عنها، سواء بسبب السعرات الحرارية أو التكلفة العالية، عشان كده، الطريقة اليمنية لقلي البطاطس من غير نقطة زيت بقت من الحيل المشهورة اللي بتديكي نفس القرمشة والطعم المميز، لكن بشكل صحي وخفيف على المعدة، الطريقة دي مش بس هتوفر عليكي زيت، لكنها كمان هتساعدك في عمل بطاطس مقرمشة من غير ما تتشرب دهون كتير.
إزاي تحضري البطاطس المقرمشة بالطريقة اليمنية؟
المكونات
- 2 حبة بطاطس متوسطة الحجم
- كوب ماء ساخن
- ملعقة صغيرة نشا
- رشة ملح
- بهارات حسب الرغبة (بابريكا – فلفل أسود – ثوم بودر)
طريقة التحضير
- تقطيع البطاطس: قشري البطاطس وقطعيها أصابع متساوية.
- النقع: انقعيها في ماء ساخن لمدة 10 دقائق مع إضافة النشا، عشان تديكي قرمشة مثالية.
- التجفيف: صفي البطاطس كويس وجففيها بمنشفة نظيفة.
التسوية:
- استخدمي مقلاة غير لاصقة وسخنيها كويس.
- ضيفي البطاطس واتركيها تتحمص على نار متوسطة مع التقليب المستمر.
- بعد ما تبدأ تحمر، غطيها لمدة دقيقتين عشان تستوي كويس من الداخل.
- شغلي الشواية في الفرن وادخلي البطاطس 5 دقائق عشان تاخد لون وقرمشة إضافية.
إزاي تخلي البطاطس المقرمشة بنفس طعم القلي التقليدي؟
- استخدمي النشا في النقع لأنه بيساعد على امتصاص الرطوبة ويدي قرمشة طبيعية.
- غطي البطاطس أثناء الطهي بالبخار الداخلي عشان تفضل طرية من جوه ومقرمشة من بره.
- ممكن ترشي رذاذ زيت زيتون خفيف قبل إدخالها الفرن لو حابة تضيفي نكهة إضافية.
إيه اللي يميز الطريقة اليمنية عن الطرق العادية؟
- صحية 100% لأنها خالية من الزيوت المهدرجة.
- موفرة لأنك مش هتحتاجي كميات زيت كبيرة زي الطرق التقليدية.
النتيجة مبهرة بطاطس خفيفة، مقرمشة، وطعمها لذيذ بدون ما تحسي بأي فرق عن القلي العادي.