كتير مننا بيكون عايش يومه على الموبايل، وبننام وهو جنبنا شغال، لكن هل فكرت قبل كده إيه اللي ممكن يحصل لجسمك لو الموبايل فضل مفتوح طول الليل؟ العلماء حذروا من عادات بنعملها يويًا بدون ما نحس إنها بتأثر على صحتنا، وأهمها إنك تسيب الموبايل شغال جنبك وأنت نايم، لكن الحل السهل والبسيط اللي هيحميك من كل ده هو تفعيل وضع الطيران قبل النوم، تعالى نعرف ليه الموضوع ده مهم وليه لازم تبدأ تعمله من النهارده!
إيه اللي بيحصل لما تسيب الموبايل مفتوح طول الليل؟
- إشعاعات مستمرة: الهواتف بتصدر إشعاعات كهرومغناطيسية حتى لو مش بتستخدمها، ودي ممكن تؤثر على المخ والجهاز العصبي.
- اضطراب النوم: الإشعاعات دي بتلخبط إفراز الميلاتونين، الهرمون المسؤول عن النوم، وده بيخلي نومك متقطع وغير مريح.
- استنزاف البطارية: حتى لو الموبايل مش في إيدك، التطبيقات اللي شغالة في الخلفية بتستهلك البطارية وبتأثر على عمرها الافتراضي.
- خطر الحريق: لو كنت بتسيب الموبايل على الشحن طول الليل، ده ممكن يسبب ارتفاع درجة حرارة البطارية، وده خطر كبير.
إزاي وضع الطيران بيحميك؟
- يوقف الإشعاعات: بمجرد تفعيله، الموبايل مش هيبعت ولا يستقبل إشارات، فده هيقلل من تأثير الإشعاعات الكهرومغناطيسية على جسمك.
- يحسن جودة النوم: مفيش إشارات تداخلية هتأثر على دماغك، وده هيخليك تدخل في نوم عميق ومريح أكتر.
- يحافظ على البطارية: لأن الموبايل مش هيكون متصل بالشبكة، ده هيقلل استهلاك الطاقة وهتحافظ على البطارية لفترة أطول.
- يقلل مخاطر الحريق: مش هيكون في ضغط على البطارية أو حرارة زائدة ممكن تؤدي لحوادث.