وجع الضروس واحد من أكتر الأوجاع اللي بتخليك مش عارف تنام ولا تاكل براحتك، وبتخليك تلف على الصيدليات تدور على أي مسكن سريع يريحك بس هل كنت تعرف إن الحل ممكن يكون بسيط جدًا ومتوافر عندك في المطبخ؟ القرنفل بيثبت كل يوم إنه أقوى مسكن طبيعي للأسنان، وناس كتير جربوه وندموا إنهم مكنوش عارفين الحيلة دي من زمان!
ليه القرنفل بيخفف وجع الضروس؟
السر في القرنفل إنه بيحتوي على مادة “الأوجينول”، وهي مركب طبيعي بيشتغل كمخدر موضعي قوي جدًا، بيخفف الالتهاب والألم في نفس اللحظة بمجرد ما تحط مسمار قرنفل تحت الضرس اللي بيوجعك، الزيت الطبيعي اللي فيه بيبدأ يشتغل فورًا، كأنك أخدت حقنة بنج موضعي، لكن بطريقة طبيعية وآمنة.
إزاي تستخدم القرنفل بطريقة صحيحة؟
علشان تاخد أقوى نتيجة، جرب واحدة من الطرق دي:
- حط مسمار قرنفل تحت الضرس اللي بيوجعك لمدة 10-15 دقيقة، وسيبه يفرز الزيوت الطبيعية اللي فيه.
- لو عايز مفعول أسرع، اطحن القرنفل بأسنانك شوية علشان الزيت يطلع أسرع ويبدأ يخفف الألم فورًا.
- استخدم زيت القرنفل، بلل قطنة صغيرة وادهن بيها الضرس الملتهب للحصول على تسكين سريع ومفعول أقوى.