كتير مننا حصل معاه الموقف ده، تكوني بتحضري أكلة بحماس وفجأة تكتشفي إنك زودتي الملح، وتحسي إن الطبخة ضاعت ومافيش أمل لإنقاذها، لكن المفاجأة إن الحل أسهل مما تتخيلي، وشيف محترف كشف حيلة عبقرية هترجع الأكل لطعمه المثالي وأحلى كمان!!
كيف تصلحين الطبخة لو زودتي الملح؟
استخدمي البطاطس
- قطعي حبة بطاطس لنصفين وضعيها في القدر لمدة 10-15 دقيقة، هتمتص الملح الزائد بسهولة.
- بعد كده شيلي البطاطس ورجّعي تسخين الأكل، وهتلاقي الطعم بقى متوازن!
أضيفي قطعة خبز
حيلة قديمة لكن فعالة، الخبز بيمتص الملح بشكل سريع، بس لازم تشيليه قبل ما يتفكك في الأكل.
زودي السوائل أو المكونات
- لو الطبخة فيها صلصة أو مرق، زودي شوية ماء أو عصير طماطم علشان يخفف تركيز الملح.
- في أطباق الأرز أو المعكرونة، ممكن تضيفي كمية إضافية من المكونات الأساسية.
استخدمي السكر أو الليمون
السكر بيمتص ملوحة الأكل بدون ما يغير طعمه، وجربي عصر نص ليمونة علشان تعدلي النكهة بطريقة طبيعية.
نصيحة ذهبية لتجنب المشكلة من البداية
- قبل إضافة الملح، تذوقي الأكل الأول علشان تتأكدي إنه محتاج ملح فعلاً.
- استخدمي ملعقة صغيرة بدل ما ترشي الملح مباشرة من العلبة.
- لو بتستخدمي مرق جاهز، خدي بالك إنه بيكون فيه ملح بالفعل، فقللي الكمية المضافة.
الموضوع مش نهاية العالم، ولو زودتي الملح بالغلط، الحلول موجودة وبسيطة جدًا! جربي حيلة الشيف العبقرية دي وهتشوفي بنفسك إزاي الطبخة مش بس هتتصلح، دي كمان هتبقى أحلى من الأول!