في اجهزة كهربائية بتستهلك كهرباء حتى وهي مش شغالة، وده اللي بيسمى “استهلاك الطاقة الخفي”، ملايين الناس بيتركوا بعض الاجهزة موصلة بالكهرباء طول الوقت، وده بيرفع فاتورة الكهرباء بشكل كبير من غير ما يحسوا.
ايه هو الجهاز اللي بيسحب كهرباء وانت مش داري؟
الاجهزة اللي ليها محولات كهربائية زي شواحن الهواتف، اللابتوب، والتلفزيون، بتستهلك كهرباء حتى لو الجهاز نفسه مش شغال، كمان الاجهزة اللي بتفضل في وضع الاستعداد زي الميكروويف والريسيفر بتستهلك طاقة بشكل مستمر.
ازاي تقلل استهلاك الكهرباء بدون ما تتأثر راحتك؟
افضل حل هو فصل الاجهزة غير المستخدمة من الفيشة، او استخدام مشترك كهربائي بفصل تلقائي، كمان اختيار الاجهزة الموفرة للطاقة بيقلل من الاستهلاك الشهري بشكل كبير.
وفر كهربتك وحافظ على فلوسك
دلوقتي انت عرفت الجهاز اللي بيستهلك كهرباء وانت مش واخد بالك، راجع الاجهزة اللي عندك، وافصل الفيشة عن الاجهزة اللي مش بتستخدمها، خطوة بسيطة ممكن تفرق معاك في فاتورة الشهر الجاي!!
خطوات بسيطة هتوفرلك كهرباء بشكل ملحوظ
بالاضافة لفصل الاجهزة، حاول تستخدم اضاءة موفرة للطاقة زي اللمبات الليد، لانها بتقلل الاستهلاك مقارنة باللمبات العادية، كمان تنظيف الاجهزة زي التكييف والثلاجة بيحسن كفاءتها وبيقلل استهلاكها للكهرباء، استخدام غسالة الملابس بالمياه الباردة بدل الساخنة بيوفر طاقة كبيرة، لو اتبعت الخطوات دي، هتلاحظ فرق واضح في فاتورتك!!